Lehen aldia da Akademiak genero markarik gabeko izenak onartzen dituela; izan ere, orain arte pertsona izen maskulino eta femeninoak soilik zerrendatzen zituen Euskal Onomastikaren Datutegiak. Akademiaren mendeurrena dela-eta ekainaren 14an Gasteizen egindako zazpigarren jardunaldi akademikoan eman dute erabakiaren berri.

500 bat izen gehitu dituzte (Alai, Aloña, Amaiur, Amets, Araitz, Artzain, Getari, Hurbil, Iraultza, Izaba, Jaizkibel, Kemen, Lohitzun, Sustrai…). Aldiro gaurkotzen joango direla ere iragarri dute.