Gazteen eguneroko kezka eta galderetatik abiatuta, euskaraz eta euskaratik, feminismoa, soziolinguistika, kultura eta pentsamendua lantzea helburu duen ikus-entzunezko sorta da Geruzak. Jakin fundazioa eta Elkar argitaletxeak 10 gazterekin batera garatu du egitasmoa.

Oinherriko (Herri Hezitzaileen sarea) lagunek, podkasta osatu dute Alaitz Aizpurua (elkar) eta Iruri Altzerreka Martinez gaztearen hitzak batuz.

Pentsamendu kritiko eta autonomorako espazio bat, ikus-entzunezkoen bitartez eta material osagarrien laguntzaz eztabaida eta kultur transmisioa bultzatu nahi dituena.

Taldelanean abiatu eta gauzatutako proiektua da bere osotasunean Geruzak. Jakin Fundazioa eta Elkar argitaletxea lankidetzan dira sustatzaileak, Txakur Gorria kolektiboak jarri dio izena eta logoa, Lander Garrok zuzendu ditu ikus-entzunezkoak eta gazteak dira protagonista.

Geruzak proiektuak gazteak hizketan jarriz, gogoeta eta analisi kritikoa bultzatzea ditu helburu, euren errealitate, bizipen eta motibazioetatik abiatuta. 

Entzungai duzun podkastean Alaitz Aizpuruak esan duen moduan, Momentuz sei dira Geruzak proiektuak biltzen dituen dokumentalak: Desira, Sormena, Askatasuna, Boterea, Ondo Bizitzea eta Taldetasuna aletu dituzte bertan bosna gaztek.

Oraingoz ale bakarra dago ikusgai egitasmoko webgunean baina interesa duenak eskaera egin dezake kaixo@geruzak.eus helbidean eta beste aleakmeskuratzeko eskaera egin.

Gazteen elkarrizketen osagarri, Markos Zapiain eta Shukare Otero adituen irakurketak ematen dio forma dokumental bakoitzari eta ikus entzunezkoez gain gaiak lantzeko material gehigarri aberatsa ere bildu dute ale bakoitzean. Adituek disziplina ezberdinetatik (Artea, Bertsolaritza, Dantza, Literatura edo Musika) gaiaren inguruan egindako hausnarketak batuz edo gaia lantzeko proposamen zehatza ere eginez Kaiera ezberdinetan.