Gosaria eta meriendak jarraitzen dute izaten garrantzi gutxien eskaintzen diegun gure eguneroko jatorduak. Presak eta denbora faltak  ideia osasuntsuak zapaltzen dituzte , eta azkenean zereal kaxara eta galletatara jotzen dugu. Kontua da ez ote dugun denbora bera behar platano ireki edo galleta pakete bat irekitzeko, eta zergatik amaitzen dugun bigarrena egiten, azkarragoa delako ideia faltsuarekin.

Gosari osasungarri eta azkar batzuk proposatu zituen Diana Oliver kazetariak ser Padres aldizkari digitalean eta guk hona ekarri ditugu,  denbora eta  elikadura ohitura osasuntsuak kontrajarriak ez direla frogatzeko.

– Oloa fruta freskoekin eta fruitu lehorrekin

Oso sinplea da. Aurreko gauean estalkia duen  ontzi bat beteko dugu  ; behi-esne (edozein edari begetal).  eta olo-kantitate integral bera sartuko dugu bertan. Frutak gehitzeko aukera dugu gure gustura (hobe sasoiko frutak erabiltzen baditugu).

Fruitu lehor batzuekin ere  osatu dezakegu  (intxaurrak eta sesamo haziak izan daitezke egokiak). Goizean hozkailutik atera eta gozatzera.

– txigortutako ogi integrala  Olio eta almendrekin

Azkarra eta aberatsa: ogi xerra integral batzuk txigortu eta gainetik oliba olio birjina eta almendra txikituak gehitu.

– Fruta freskoa

 Fruta gozo ugari dago, berez gosari ezin hobea izan daitezkeenak. Banana, sagarra, udarea, laranja, marrubiak, mugurdiak, ahabiak, meloia, kiwia … zaila da bat ere ez gustatzea. Moztu plateretan modu atseginean. Posible da aurreko gauean ere moztuta uztea  eta hozkailuan gordetzea kontsumitzeko prest.

 Zerbait gehiago hartu nahi duzue? Konbinatu hemen proposatzen dizugun beste edozein aukerarekin edo asmatu berri bat. Beste ideia batzuk: arrautza nahasiak, hummusdun ogia, esnetan irakindako arroza, kanela eta limoi xerra bat …

– Aurreko eguneko bazkariaren edo afariaren hondarrak

Juan Revenga dietista-nutrizionista eta El comidista egunkariko ohiko kolaboratzailearentzat klasiko bat da hau, behin baino gehiagotan adierazi baitu etxean askotan gosaltzen dutela aurreko eguneko afarian edo bazkarian geratu zena. Zergatik ez? Bazkari edo afari osasungarria izan bada, ezin hobeto izan daiteke gosari osasungarria.

– Jogurt naturala, basoko fruituekin eta intxaurrekin

Nahikoa da bol batean jogurt natural bat botatzea, eta fruta eta fruitu lehorrak gehitzea. Gozo-gozo geratzen da, mugurdiak, ahabiak eta intxaurrak lagun dituela, baina konbinazioak amaigabeak dira. Bost minutu badituzu, saiatu sagar bat zati ez oso lodietan mozten. Jarri plater batean, gehitu kanela hautsa nahi adina  eta sartu mikroan hiru minutuz potentzia handienean. Prest dagoenean, gehitu jogurtari hur txikituekin .