Alabarekin nola komunikatu ez dakien aita batek paperezko hegazkin bat bidaltzen dio egunero balkoitik agur esateko. Hegazkinetan idatzitako mezuen bidez, aitak literatura-misioak jartzen dizkio alabari, liburuzain zorrotz baten konplizitatearekin argitu ditzan. Horrela, liburuen eta bizitzaren arteko lotura ezagutuko du neskatoak. Urte asko geroago, orain idazlea den alaba, liburutegira itzuliko da bere lehenengo liburuan jaso duen iniziazio-esperientzia hori kontatzeko. Hori da Harkaitz Canoren Mundua pitzatuta dago baina hantxe gabiltza oinez liburuaren argumentua.

Orain, ordea, taula gainera ekarri du antzerkia Tanttaka teatroak, eta hainbat herritan egingo dituzte emanaldiak. Gurasoen eta seme-alaben artean sortzen den arrakala emozionalaren inguruan hausnartzea du helburu antzezlanak. Besteak beste, Barakaldon, Errenterian eta Donostian egingo dituzte emanaldiak hurrengo hilabeteetan. Informazio osoa hemen.