Gure platera gure aukera ekimenak antolatuta Sarea Sortzen izeneko topaketa egin dute Bergarako San Martin Agirre eskolan.  Eskola jangelak eraldatzea helburu duten ekimenek egin dute bat bertan, egungo egoerari buruzko informazioa, ideiak, erronkak, aukerak eta energiak partekatzeko helburuarekin.

Topaketa prentsaurreko batekin hasi zuten, eta bertan esan zuten  eskola jangelen eremuan ikasturtearen balorazio “gazi gozoa” egiten dutela. Baina araudi falta ez da instituzioei egiten dieten kritika bakarra.

Jangeletako begiraleen lan hezitzailearen aitortza aldarrikatzen dute Gura platera gure aukera ekimenetik, eta gaineratzen dute produktu freskoak eta kalitatezkoak menuan txertatzeko, ezinbestekoa dela ikastetxeetako jangeletan sukaldea egotea. Jangelen eremuan aurrerapausoak emateko ere,  ezinebestekotzat jotzen dute eragile sozial eta instituzionalen arteko elkarlana eta baliabideak bermatzea. Izan ere, diote Euskal Autonomia Erdidegoan garatu diren lau esperientzia pilotuek erakusten dutela “beste kudeaketa eredu bat posible eta bideragarria” dela.

Jangelekin lotuta, egungoa momentu “interesgarria” dela uste dute era berean.

Hala, umeak jolas gunean zeuden bitartean, nagusiek askotariko mahaietan parte hartu zuten topaketan.