“Jolas egoeretan haurrek beren beharren eta interesen arabera erabakitzen dute norekin jolastu, eta ondorioz bakarka, binaka edo taldetxoetan jarduten dute. Ez da komeni irakasleak erabaki horietan esku hartzea”. Hazitegiko Maitane Hidalgori irakurri diogu.

3929379522_de7117a09a_o

Mondragon Unibertsitateko Humanitate eta Hezkuntza Zientzien Fakultateko ikerketa taldea da Hazitegi. Artikulu honetan Hidalgok gogoeta egiten du haurren arteko harremanetan zein eragin duen helduaren begiradak. Hidalgok ikasle/irakasle egoeraz dihardu bere artikuluan. Eta hausnarketa haur/heldu parametrora aplikatuko bagenu?

“Eskola askotan irakasleek hartzen dute haurrak taldekatzeko ardura, adibidez, txokoetan banatzeko, zehazteko non kokatu haurrak asanblada egiteko orduan edo beste hainbat jardueretarako. Gelako giroaren eta haurren harremanen mesedean hartzen dira erabaki horiek. Adibidez, elkarrekin denbora asko igarotzen duten eta gatazkak izaten dituztenak banatzen dira; mugimendua behar dutenak gutxiago mugitzen direnekin elkartzen dira … Baina, zer esaten digute ikerketek horren harira? Ikerketek diotenez, jolas egoeretan haurrek, beren behar eta interesen arabera, erabakitzen dute norekin jolastu eta, ondorioz, bakarka, binaka edo taldetxoetan jarduten dute. Ez da komeni irakasleak erabaki horietan esku hartzea beraien erabakietan konfiantza izan dezakegu eta bakoitza nola dagoen behatu. Izan ere, haurrek adinean aurrera egin ahala garapenean izaten dituzten aurrerakuntzak, berdinkideen arteko interakzioak kalitate hobeagokoak izaten laguntzen dute (…) Haur bakoitzak bere interes eta beharrak asetzeko aukera handiagoak izateaz gain, etorkizunean lagungarri izango zaizkion harremanetarako gaitasun eta estrategiak garatzeko aukerak izango ditu”.

Artikulua osorik hemen.

Argazkiaren iturria hemen.