Talentua zer den eta hezkuntzan nola landu daitekeen azaltzen duen gida kaleratu du KoLaborategiak (Mondragon Unibertsitateko Humanitate eta Hezkuntza Zientzien Fakultateko Gizarte Digitalerako Hezkuntza eta Komunikazioa laborategiak).

Mondragon Unibertsitateko Humanitate eta Hezkuntza Zientzien fakultateak Ikasleen talentua sustatzeko gida. Batxillergorako, Lanbide Heziketarako eta unibertsitaterako hainbat aukera liburua aurkeztu du.

Bi atal ditu lanak. Alde batetik, talentua zer den definitu dute eta hartzen dituen dimentsioak ere landu dituzte; dimentsio kooperatiboa, sortzailea, ekintzailea, pertseberantea, malgua, kritiko-analitikoa eta emozioen erregulazioaren dimentsioa. Eta bestetik, talentua hezkuntza alorrean txertatzeko adibide praktikoak jaso dituzte.

Gainera, gidaren osagarri moduan ‘MOOC’ ikastaroa egingo dute martxoaren 1etik apirilaren 16ra eta ‘webinar’ sorta bat ere prestatu dute. 18:00etan hasiko dira, ordubeteko iraupena izango dute eta izena emateko aukera, fakultateko webgunean dago.

  • Martxoak 3. Erregulazio emozionala: ongizaterako bidea. Ana Carpintero (Mondragon Unibertsitatea) eta Alexander Muela (EHU).
  • Martxoak 9. Irakasleak eskaintzen dituen testuinguruak eta ikasleen pertseberantzia. Nagore Iñurrategi (Mondragon Unibertsitatea).
  • Martxoak 10. Pertsona kooperatiboaren garapena hezkuntzan: ikaskuntza zerbitzua. Oxel Azkarate, Nekane Goikoetxea eta Nagore Iraola (Mondragon Unibertsitatea).
  • Martxoak 16. Ikasleen artean taldeko kultura ekintzaile bat sustatzeko estrategiak. Aitor Lizartza (Mondragon Team Academy).
  • Martxoak 17. Design Thinkinga hezkuntzan: sormenerako aukera. Beñat Flores. (Mondragon Unibertsitatea).
  • Martxoak 23. 10 gako pentsamendu kritikoa garatzeko. Joseba Aldasoro.  (Elhuyar).

Etiketak: