Asteburu honetan ospatuko da Naturan Jolasean ekimenaren zazpigarren edizioa. Txatxilipurdi elkarteko kide den Iñaki Telleriarekin hitz egin dugu egitasmo honen nondik norakoak ezagutzeko.

Heziketa Berdearen eremuan jarduten duten hainbat adituren ikerketa zein ekimen honen bueltan gauden elkarteetako esperientzia propioetan oinarriturik, ondorioztatu dezakegu egungo jendarteak gero eta kontaktu txikiagoa duela inguruan dituen natur eremuekin. Aldi berean argi dugu, natura ordezkorik ez duen osasun, ongizate, ikasketa eta sormen iturri agorrezina dela eta hau horrela, beharrezko ikusten dugu natur guneekiko atxikimendua areagotzeko dinamikak sortzea.

Zentzu horretan, Leintz Eskola Kirola, Besaide Mendi Elkartea, Gaztetxeko Guraso eta Haur Asanblada, Udalako Ingurumen Eskola, Guraso.eus eta Txatxilipurdik elkarlanean, Naturan Jolasean jaialdiaren 7. edizioa antolatzeko lanei ekin diogu beste behin.

Jarraian aurtengo proposamenaren nondik norakoak:

MAIATZAK 21 (Larunbata):

10:00etan/12:00etan ESPEOLOLOGIA TXANGOA – Montxongo kobaren barna, LH 3/4ko haurrei zuzendua eta bi txandatan banatua.

* Izen ematea ikastetxeetako LEK-eko koordinatzaileen bidez egin beharko da.

11:00etan ORIENTING TXANGOA – Santa Barbarako dragoitik hasita etaLH 5/6ko aurre-nerabeei zein kirol egokituko taldearizuzendua.

* Ez dago izen ematerik.

MAIATZAK 22 (Igandea) MONTERRONEN:

11.00etan KALE HEGAZTIAK EZAGUTZEKO IBILBIDEA – Maiatzaren 1a plazatik hasita, Naiara Corcueraren gidaritzapean (prismatikoak gogoratu).

12:30ean ARTE AUZOLANA – POOK artista kolektiboko kideek bideratua.

14:00etan BAZKARI LIBREA – Zeuk ein zeuk jan formatuan.

16:30ean HAURTZAROKO YOGA SAIOA – Sara Migulezek gidatua.

18:30ean KONTZERTU AKUSTIKOA – Leire Etxezarreta eta Pello Herizen eskutik.

* Goian aipaturiko ekintza gidatuez gain, egun osoan zehar JOLAS LIBRE ESPONTANEOAN aritzeko txoko zein baliabideak izango dira (zuhaitz zintzilikaria, irakurketa txokoa, oreka gunea, lokatz-gunea, musika txokoa …).

Azpimarratzea gustatuko litzaiguken beste ideia bat, eguraldiaren aurrean dugun jarrerarena da. Euria edo eta hotzaren aurrean, ekipamendu zein babes neurri egokiak harturik, naturaz gozatzeko parada izan dezakegula adierazi nahiko genuke. Hau horrela, maiatzaren 21 zein 22an euriaren bisita izan arren, egitarauaren goizetako ekintzak mantentzeko saiakera egingo dugu.

Amaitzeko, ezin aipaturik utzi azken bi urte hauetan COVID 19aren agerraldiaren baitan, natur guneek eskaini diguten alternatiba eta babesa. Une askotan herritar askoren aisialdirako eremu nagusi eta bakar bilakatu dira beraz zaindu, babestu eta gozatu ditzagun.

Animatu gurekin batera, NATURAN JOLASTERA!