Espainiako indarkeria obstetrikoari buruzko artikulu zientifiko adierazgarri bat argitaratu berri da.

Ikerketa guztia irakurgai duzue hemen


Emakumeen pertzepzioari buruzko atzera begirako artikulu deskribatzailea da, 2018ko urtarriletik 2019ko ekainera bitartean erditzean jaso zuten arretari buruzkoa. 17,541 lagina izan du galdetegiak.

Emaitzek ez gaituzte  axolagabe uzten:

– Espainiar estatuan emakumeen %38,3k indarkeria obstetrikoa jasan zutela hauteman zuten.
– % 44,4k hauteman zuten beharrezkoak ez ziren esku-hartzeak egin zitzaizkiela.
– % 83,4k adierazi dute arreta eman zieten profesionalek ez zietela baimen informaturik eskatu.

EAE eta Nafarroako datuak bereizita agertzen zaizkigu ikerketan

%36, 3 EAEn eta %39,5 Nafarroan.



Ikerketaren arabera, emakumeek indarkeria obstetriko handiagoa adierazten dute ospitale pribatuetan publikoetan baino.

Ikerketak ondorioztatu du Espainiar estatuak  arazo larria duela osasun publikoan eta emakumeen giza eskubideen errespetuan.

Mari Karmen Garmendiaren hitzak ekarri ditugu ahotsak.eus ekimenetik Indarkeria obstetrikoa zer den ulertzeko baliagarria izan daitekeelakoan.