Lapurdiko udalerria da Urruña eta Oleta auzoko elizan abiatuko dugu Intsolako buelta. Bidean antzinako galtzada erromatarra, baso sakonak eta lasaiak eta helmugan indarberritzeko benta bat izango ditugu.

5,3 kilometroko joan-etorria da 50 metroko desnibelarekin. Ordu eta 50 minutu beharko ditugu oinez egiteko. Ikusten duzuen moduan familian egiteko modukoa da.

Esan moduan Oleta auzoko elizatik abiatuko gara; izan ere, bertako aparkalekuan utz dezakegu autoa. Intsola errekaren kontrara doan bidea hartuko dugu. Hasieran asfaltozkoa da baina laster baso-bide bihurtuko da.

Seinaleztatuta dago bidea, eta une batean errekaren beste aldera igaroko gara GR10arekin bat egiteko. GR10a jarraituta iritsiko gara Intsolako bentara. Benta hori Beran dago, Nafarroan. Uneren batean, beraz, muga ere zeharkatuko dugu.

Bueltarako bide berdina egingo dugu.

Argazkiak: Google maps eta Wikiloc.