Irakasle-ikasketarik gabe DBHn irakasle aritu ahal izatea, berriz ere mahai gainean den eztabaida

DBHtik aurrera, irakasle izan daiteke ematen den ikasgai horri lotutako edukien inguruko ikasketak eta irakasleen prestakuntza masterra eginda edukiz gero. Hala ere, masterraren beharrik gabe, irakaskuntzan aritu ahal izatea baimendu zuen Espainiako Gobernuak 2020an, pandemiari lotutako salbuespen bezala, baina ordutik zenbait erkidegok –Aragoi, Katalunia edo Gaztela Matxa– legea mantendu dute, antza denez, argudiatuta “irakasle falta dutela matematiketan eta hainbat ikasgai teknikotan”.

Orain, gaia mahai gainean jarri du Ekonomia, Lankidetza eta Garapenerako Antolakundeak (ELGA), duela gutxi argitaratu duen txostenean. Europar Batasuneko hezkuntza politiketan indarra duen erakundea da ELGA eta txostenetan dioenez, irakasle izatea erakargarriago bihurtzeko beharra dago: “Irakaskuntza ez den beste karrera bat egiten ari direnak irakaskuntzara erakartzea izan daiteke irakasle faltari aurre egiteko modua”. Espainiako Estatuari egiten dio erreferentzia, beste batzuetan bide alternatiboak daudela eta Espainian bidea itxia dela aipatuta.

Horren aurreran, irakasle faltari aurre egiteko neurriak aztertzen ari direla azaldu du Espainiako Hezkuntza Ministerioak, baina irakaskuntza masterrik gabeko irakasleak onartzeko erkidegoen eskaeraz honakoa dio: “beren formazioa %100 bete ez duten irakasle horiek kontratatzioak hezkuntza sistemaren kalitatea kaltetzen du”.