Itziarren egin dugu hitzordua Irati Azpiroz eta Ainhoa Agirregomezkortarekin,  bertako eskolan haur eta irakasleekin elkartu eta gero gurekin zuten hitzordua Burugorrin. Bertan eman ziguten martxan jarri duten Jolasoro egitasmoaren berri. Itziarren herritar guztien iritzia jasota espazio baten eraldaketa gauzatu nahi dute. Bidean ikasiz eta haurren behar eta nahiak ere errespetatuz.

Nortzuk zarete zer da Jolasoro?

Jolasoro, hezitzaile eta psikomotrizista talde batek osatzen dugu. Ikasketa prozesu etengabe batean murgildurik gaude eta haurraren garapen osasuntsu baten alde egiten dugu apostu. Horretarako, haurra erdigunean jartzeaz gain, haurrari inguratzen dion guztia ere kontutan hartzen dugu. Hori horrela, natura, bizikidetza, errespetua eta aniztasuna ditugu oinarri.

Zer egiten duzue?

Jolasoron, jolas guneen azterketa, aholkularitza eta diseinuaz arduratzen gara. Jolas gune bat benetan  aberasgarria  izateko,  testuinguruaren azterketa sakon bat egin dugu non, parte hartze prozesu bat aurrera eramanda herritarren behar, nahia eta interesak  kontutan izanik informazioaren interpretazio bat aurrera eramaten dugu diseinua egiterako orduan.

Horretaz gain, tailer ezberdinak ere eskaintzen ditugu jolas gune esanguratsu batek, haurrari eta herritarrei ematen dizkien onuren ezagutza eta kontzientzia hartzeko.

Beraz, jolas gune esanguratsuak aholkularitza eta diseinuaz arduratzen gara. Gainera, testuinguruak haurraren garapen prozesuan duen eraginaren jabe garenez, testuinguru bakoitzaren arabera diseinu pertsonalizatuak egiten ditugu.