Biologo eta nutrizionistak gogora ekartzen du gurasoen elikadura ohiturak eredu direla umeentzako.

Captura de pantalla 2015-01-16 a las 13.28.06

Elkarrizketa egin diote Todomundopeques atarian Juan Revenga biologo eta nutrizionistari, eta argi esan du: “Eredu izatea ez da hezteko modu bat, hezteko modu bakarra baizik. Egokia den bakarra, alegia”. Hala, adituak argi dauka gurasoek —amak eta aitak— dituzten elikadura ohiturak hartuko dituzte seme-alabek, balore eta jarrera berdinak garatuko dituzte. “Obesitatearen aurrean soluzioa ez da dieta egitea, ohitura osasungarriak hartzea baizik; elikadurari zein jarduera fisikoari dagozkionak”, dio Revengak.

Inplikazioa eta ardura

Era osasungarrian elikatzea ardura handia da. Gaur egungo gurasoek denbora gutxiago dute jarraipena egiteko seme-alabek noiz eta zer jaten duten. Etxean zeuden amek egiten zuten hori aurreko belaunaldian, eta Revengaren esanetan egungo guraso unitateek ez dute ardura hori modu egokian banatu. “Umeek beharrezkoa dute helduek euren elikadura ohiturak zaintzea? Zalantzarik gabe”, dio adituak. “Ardura hori ez da soilik amena, aitek ere har dezakete, baita inguruko gainerako helduek ere”. Inplikazioa eta ardura hartzea eskatzen duen gaia dela dio Revengak.

Jarraitu beharreko irizpideak ez dira oso konplikatuak: “Lehen familiako kide guztiek berdina jaten genuen”, dio nutrizionistak. Gainera, garrantzitsua da zer jango dugun aurrez aldetik finkatzea. “Astebeteko planifikazioa” eta “antolakuntza” aipatzen ditu Revengak.

Planifikazioa hori, azkenik, elikadura irizpide argiak dauzkagula egitea gomendatzen du nutrizionistak. Behar izanez gero profesional baten laguntza eskatzea gomendatzen du.

Dieta osasungarria

Egungo egoera ekonomikoak ez duela dieta osasungarriaren alde egiten dio adituak. “Akaso ogitartekora itzuli gara, baina Harvard unibertsitateak berriki egindako ikerketa batek argi erakusten du osasungarri jatea garestiagoa dela. Lau kide dituen familia batentzako, urtean 1.600 euro garestiago, hain zuzen ere”.

Elikadura ohitura osasungarriak ezartzeko, Revengak argi dauka: “Presiorik gabe egingo dugu, argi utziko dugu mahai gainean dagoela jateko dagoena, eta kitto. Haurrek aukera ezberdinak eskainiko dizkiegu, baina katalogoan aukera osasungarriak izango ditugu beti”.

Albistearen eta argazkiaren iturria hemen.