KaleNATURA (Argazkiak)

Guraso.eus eta Txatxilipurdi elkartetik auzo, herri eta hirietako natura ezagutu eta izendatzera gonbidatu zintuztegun, KaleNatura ekimena antolatu genuen.

Ekimen honen bitartez auzo, herri eta hiri barruko biodibertsitatearen garrantzia aldarrikatu nahi izan dugu. Azken hamarkadetako herri ereduak natur gune zirenak porlanarekin tapatu edo landareak moztera eraman gaitu. Hala ere, naturak, gizakion basakeria guztien gainetik, lekurik zailenetan ere bere bidea egiten du. Ekimen honekin, etxe inguruetan dauden landare basatiak ezagutu nahi izan ditugu, kale bazterrean, paretetako arrakaletan, etxe azpiko lorategian, auzoko parkean… eta horiek izendatzera gonbidatu zaituztegu.

Ekimenak egin du bere bidea, Euskal Herriko txoko ezberdinetatik jaso ditugu argazkiak eta inguruko natura beste modu batean ikusteko aitzakia sortu dugu.

Eskulan proposamena argitaratu genuen, Arrasaten ospatu den Natura Jolasean ekimenaren baitan KaleNatura ibilbidea antolatu genuen eta naturarekin dugun harremanaz hausnartzeko artikuluak argitaratu ditugu azken hilabete honetan. Azpian duzue Kale Natura uzta. Eskerrik asko parte hartu duzuen guztioi. Ezagutzak eramango gaitu zaintzara, jarrai dezagun ikasten!

Oraindik zuen argazkiak bidali nahi badituzue, aste honetan ere jasoko ditugu.