Guraso.eus eta Txatxilipurdi elkartetik auzo, herri eta hirietako natura ezagutu eta izendatzera gonbidatu zaituztegu, KaleNatura ekimena antolatu dugu bigarren urtez jarraian. Aurtengoan gainera erronka zaildu dugu; Kaleetan aurkitzen ditugun animaliei argazkia atera, identifikatu eta partekatzera gonbidatu zaituztegu. Jaso ditugu lehen argazkiak. Ezagutzen dituzue gure artean bizi diren animalia hauek??

Haurrekin batera, kaleko argazki safaria egiteko proposamena egin nahi dizuegu; pareta zaharretan, erreka ondoetan, herri eta auzoetako parke txikietan, badaude oraindik gurekin bizitzera ausartzen diren animaliak. aurkituko ditugu??

  • Zer bilatzen dugu? Kaleko natura aurkitu, identifikatu eta izendatuko duten herritarrak
  • Nola hartu dezakezue parte? Auzo, herri edo hirietako kaleetan aurkitzen duzuen landaredia identifikatu, klariona edo paper batekin izendatu, argazkia atera eta bide hauetatik gurekin partekatuz:
    • Whatsapp eta Telegram sareen bitartez 688807879 telefono zenbakian
    • Emailez txatxilipurdi@txatxilipurdi.eus helbidean
    • Argazkiarekin batera parte hartzailearen izen abizen eta telefono zenbakia bidali beharko da, eta nahi izanez gero landarearen kokalekua, modu honetara beste batzuk ere kokaleku horretara hurbiltzeko aukera izango dute.
  • Kontutan izan! Argazkietan  adingabeak zein helduak ateratzen badira, parte hartzearekin batera onartuko duzula irudiak  Txatxilipurdi eta guraso.eus eko sareetan zein webgunean argitaratzea.
  • Nork hartu dezake parte? Arakatzeko eta jolasteko gogoa duen edozein pertsonak.
  • Noiz dago ekimena martxan? Maiatzaren 1etik 31ra jasoko ditugu argazkiak. Ondoren, parte hartzaile guztien artean Txatxilipurdiko produktuen lote bat zozketatuko da.