KaleNatura ekimenaren bitartez, herri eta hirietako natura ezagutu eta izendatzera gonbidatu nahi zaituztegu.

Udaberriarekin batera indartsu ari da ernaltzen landaredia gure bazterretan, guztioi ematen digu barne indarra ingurune koloretsu eta berdeek. Guztiok jolastu izan dugu landarediarekin, haurrak irudimenez aritzen dira belar artean jostari, harriduraz begiratzen diote landareen ernalketari, ilusioz betetako lora sortak osatzen dituzte, gozatu egiten dute belardian txatxilipurdi egiten.  Ekimen txiki honekin, haurrek zein helduek gure ingurunean garai honetan aurkitu dezakegun landarediari arreta jartzea, identifikatzea, izendatzea eta jolastea proposatu nahi dugu.

Gaur egun inguratzen gaituen landarearekiko dugun ezjakintasuna nabaria da. Zuhaitzen izenak dakizkienik bada, baina herriko landarren izenak ezagutzen duen norbait ezagutzea ez da horren erraza. Gure proposamena pertsona hauekin, landareen izenak dakizkiten hauekin, txangoak egitea da, landareak ezagutu eta izendatzeko.

Aditurik gertu ez badugu, teknologia erabil genezake landareak identifikatzeko, honetarako; Sustatu, teknologia albisteen euskarazko atarian 2020an argitaratutako proposamen bat dakarkigu gaurkoan, “picture this” aplikazioa.

Sustatu: Picture this, landareak identifikatzeko aplikazioa

Zuhaitz eta landareak identifikatzeko kuriositaterik izan duzu sekula? tresna honek lagun diezazuke: Picture This aplikazioa. Oso txukun dabilela ematen du, baina oso erabilpen mugatua du doako bertsioan. Erabiltzaile benetan aktiboa izatekotan, ordaintzea ondo etor dakizuke.

Aproba egin dugu Sustatu normalean idazten dugun industrialdean landare batzuk identifikatzera jaitsita. Argazki honetan ikusten den flora ez-zainduari erreparatu diogu:

https://media.sustatu.eus/media/argazkiak/ak1/loreak1.jpg

Landare baten ostoetara hurbildu, egin argazkia eta segundu batzuetan badugu erantzuna. 

https://media.sustatu.eus/media/argazkiak/nus/prunus.jpg

Aplikazioa bakarrik ingelesez dago, eta hortaz, izen ingelesak ematen dizkigu Picture This-ek. Baina tira, izen zientifikoa ere hor dugu eta hori pasatuta euskarazko Wikipediarik, euskarazko aldagaira ere iritsi ahal izango gara gehienetan. Kasu honetan:

https://eu.wikipedia.org/wiki/Prunus_laurocerasus

Agazkietan batzuetan beste elementu batzuk ere detektatzen ditu: lorezaintzara begirako aholkuak eta komunitate bat baitago Picture This-en inguruan. Hori bai, ordainpekoa, eta adi doako bertsioan oso astuna baita aplikazioa ordainpekoa instalatzera bultzatzen.

Interesatzen bazaizu, hona bertsioak:Android

Kalenatura ezagutzeko beste aplikazio ezberdinak ere aurki ditzakegu doan. Gu Plantnet aplikazioarekin gabiltza azken aldian, eta esperientzia ona izan dugu. Erronka, bertako landareen hiztegia ezagutzea da, herri hiztegia berreskuratuz.

Parte hartu ekimenean, izendatu zuen inguruko natura eta bidali zuen argazkiak.

Nola hartu dezakezue parte? Auzo, herri edo hirietako kaleetan aurkitzen duzuen landaredia identifikatu, klariona edo paper batekin izendatu, argazkia atera eta bide hauetatik gurekin partekatuz:

  • Whatsapp eta Telegram sareen bitartez 688807879 telefono zenbakian
  • Emailez txatxilipurdi@txatxilipurdi.eus helbidean
  • Argazkiarekin batera parte hartzailearen izen abizen eta telefono zenbakia bidali beharko da, eta nahi izanez gero landarearen kokalekua, modu honetara beste batzuk ere kokaleku horretara hurbiltzeko aukera izango dute.

Kontutan izan! Argazkietan  adingabeak zein helduak ateratzen badira, parte hartzearekin batera onartuko duzula irudiak  Txatxilipurdi eta guraso.eus eko sareetan zein webgunean argitaratzea.Nork hartu dezake parte? Arakatzeko eta jolasteko gogoa duen edozein pertsonak.Noiz dago ekimena martxan? Maiatzaren 1etik 31ra jasoko ditugu argazkiak. Ondoren, parte hartzaile guztien artean Txatxilipurdiko produktuen lote hau zozketatuko da