Kaltzioaren eta Omega 3-aren garrantzia, haurdunaldian

Garrantzitsua da haurdunaldian kaltzioa hartzea. Batez ere haurdunaldiko hirugarren hiruhilekoan, orduan garatzen delako umekiaren hezurdura. Kaltzioarekin batera garrantzitsua da D bitamina hartzea, bitamina hori arduratzen baita kaltzioaren absortzioaz. Horrek batera ezinbestekoak dira bizi estilo aktiboa eta osasungarria eta kanpo ekintzak egitea.

Adituek gomendatzen dituzte esnekiak, hosto berdeko barazkiak (espinakak, zerbak, brokolia, aza kizkurra, aza, eskarola, arbia…), arraina (zardinak, izokina…), fruitu lehorrak (almendra, intxaurrak, pipak…) eta lekaleak (babarrunak, dilistak, txitxirioak…)

Arraina eta metal pisutsuak

Kaltzio iturri garrantzitsua da arraina. Orain urte batzuk, ordea, zenbait espezietan antzemandako metal kontzentrazio handia tarteko haurdunaldian espezie horien kontsumoa saihesteko gomendioa zabaldu zen. Merkurioaren kontzentrazioak kezkatzen zituen adituak eta saihestu beharreko espezien artean nabarmentzen zituzten ezpata-arraina, marrazoa, atun gorria eta lutxoa.

Ikerketak egiten jarraitzen dute adituek, eta mezu kontrajarriak iristen zaizkigu oraindik ere, izan ere  arraina Omega 3 iturri ere bada. Adituak ez dira ados jartzen: zer da kaltegarriagoa metal kontzentrazioa edo Omega 3 falta? Horrela jasotzen du Rochester Medical Center eta Belfasteko Ulster University erakundeek elkarlanean egindakoa azken ikerketak.

Argazkiaren iturria hemen.