Mexikoko haur eskola batean egin dute esperimentua eta Facebook profil batean partekatu dute; Asociación Ambiente Europeo delakoan.

Argazkian ikusten denez guztiz zementuzkoa den espazio batean egin dute esperimentua. Zementuan irekitako zirrikituetan lore-haziak bota dituzte neska-mutikoek hezitzaileen laguntzarekin, eta emaitza da irudian duzuena.

Naturak egin du bere bidea eta zementu artean bada ere ernatu dira haziak eta loretu dira landareak. Laranjak, horiak, gorriak… askotariko koloretakoak dira, gainera.

Ez da esperimentu txarra, eta oso bestelako itxura ematen dio zementu hutsezko zabalguneari.