Esperimentazio elektroniko eta digitaleko laborategi bat antolatu dute Arrasateko Udal Bibliotekan. Sorkuntza garaikideko erreferentzietatik abiatuta, elektronika kreatiboko kontzeptu orokorrak landuko dituzte jolas eta esperimentatzeko giro batean. Arragua, lekeition kokatzen den proiektu kulturala izango da laborategia biderauko duena. Guk Maider Illanarekin hitz egin dugu laborategiaren berri izateko bai eta Arragua ezagutzeko.

Arragua

Arropaineko Arragua, sorkuntza garaikidearen praktikak garatzeko gunea.

Lekeitioko itsasadarraren ertzean dago Arropaineko Arragua, eta bi esparruren arteko elkargunean kokatzen den espazioan bideratzen ditu bere ekintzak: sorkuntza praktikena eta ezagutza transmisioarena.

Jarrera horietatik abiatuta, Arropaineko Arraguak proposamen-harremanen esparru bat eman nahi du, erabat demokratikoa izango den esparru bat, erakundeen, sortzaileen, biztanleria orokorraren eta prestatzen ari direnen arteko sinergia sustatuko duena, lurraldeko sorkuntza-ekoizpenekiko jarrera garaikidea lortzeko eta sortzaileak eta haien ekoizpenak indartzeko.

Arraguak proposatzen du posible dela kultur merkantziatik eta haren kontsumotik pasatzen ez diren beste harreman batzuk pentsatzea, ahal den neurrian harreman esperimentalak irekiz eta artearen lana praktika sozial gisa identifikatzeko prozesua indartuz, besteak beste.

Makinak gara

“Makinak gara” esperimentazio elektroniko eta digitaleko laborategi bat da . Sorkuntza garaikideko erreferentzietatik abiatuta elektronika kreatiboko kontzeptu orokorrak landuko dituzte jolas eta esperimentatzeko giro batean.