Makusik Bizi Natura izeneko saio berria estreinatu du. Umeei zuzendutako edukia da, eta animalien inguruko bideo-pildora laburren bidez natura gertutik ezagutzeko aukera eskaintzen du.

Guztira, hamairu atal izango dituen saio honetan, Euskal Herriko ekosistema desberdinak ezagutuko dituzte ikusleek, bertako fauna eta ingurune naturaletan murgilduta. Inguruneaz eta naturaz ikasteko zein gozatzeko sortutako saioa da Bizi Natura, eta adituen laguntzari esker, askotan ikusten ez den errealitate baten parte izateko aukera emango du.

Lehenengo bost atalak dagoeneko ikusgai daude Makusiren bideo-plataforman.