Bosgarren aldiz antolatu da aurten Bziber lehiaketa Azkue Fundazioak, Bizkaiko Foru Aldundiko Euskara, Kultura eta Kirol Sailaren babesarekin.

Gaurtik ekainaren 9ra bitartean iraungo du eta gazteek denbora horretan guztian zehar lau erronka egin beharko dituzte. Aurten gainera, berritasun modura, gazteek modu pribatuan bidali ditzakete erronka horiek.

Lehiaketaren aurkezlea eta erronken sortzailea Go!azen telesailaren protagonistetako bat den Asier Burguete izango da. Berarekin batera beste sei euskal tiktoker egongo dira Burguetek emandako erronkak egiten. Hauek, besteak beste: @Kai_Nakai, @lorea_intxausti, @libbetxxu, @elemelonsv, @anepe.acedo eta @julenportillo.

Nork jolas dezake?

13 urtetik 16 urte bitarteko edozein gaztek. Sareko lehiaketa bat izanik, ez dago lurraldetasunik.

Nola jolasten da?

Ez da izen-ematerik egin behar aurretiaz. Bi pauso baino ez dira jarraitu behar, eta urte honetan, gainera, parte hartzaileek modu pribatuan bota ditzakete erronkak zuzenean: Bziber lehiaketa jarraitu behar da sare sozialetan (@bziber_lehiaketa perfila Tik Tok eta Instagramen). Parte hartzaileek erronkak bere profilera igo ditzakete Bziber etiketatuz edota
bideoa mezu pribatu baten bitartez bidalita, Bziber lehiaketaren profilera.

Nola aukeratzen dira irabazleak?

Parte hartzaileek ez dute zertan lau probak egin behar saria eskuratzeko. Probak egin dituztenen artean egingo da zozketa, eta bi saridun izango dira proba bakoitzeko. Zozketa guztiak lehiaketaren amaieran egingo dira, hau da, ekainaren 10ean.

Zein da saria?

Eskuko telefonoa kargatzeko aukera ematen duen motxila bat eta edozein lekutan eskuko telefonoa kargatzeko bateria eramangarria.