Arrasateko Udal Bibliotekak LH3tik LH6ra arteko haurrentzat AzeriX izeneko irakurle kluba antolatu du. Dinamizatzailea izango da Miren Amuriza; Amurizarekin hilero euskarazko liburu bat deskubrituko dute, irakurtzeko, sortzeko eta berba egiteko espazio berri batean. Izena emateko aukera, hemen klikatuta. 

Guk Mirenekin hitz egin dugu AzeriX kluba eta haurrentzako irakurketa taldeen inguruan

Esan Bezala, Arrasateko hitzorduak urriaren 29an eta azaroaren 26an izango dira, eguenak biak, 18:00etatik 19:00etara. Lehenengo saiorako irakurriko duten liburua Jakelinen egunerokoa izango da, Nerea Ibarzabalek idatzitako “lan umoretsu bezain irudimentsua”. Azaroaren 26an aldiz Joemak eta Polasak (Iñigo Astiz) izango da proposatutako liburua.

Jarduera doakoa da eta plazak mugatuak dira. Izena emateko epea urriaren 7ra arte zabalik egongo da eta bibliotekan bertan edo webgunean egin daiteke.