Ohikoa duen moduan Mondragon Unibertsitateko Humanitate eta Hezkuntza Zientzien Fakultateak urtean zehar haur eta gazteentzat euskaraz argitaratu diren liburuak aztertu ditu eta Haur eta gazte literatura irakur gida kaleratu du.

Aurten, 2023an argitaratutako 231 liburu aztertu dituzte. Azterketa horren emaitza da 2023ko Haur eta gazte literatura irakur gida.

Argitalpenak hiru kategoriatan sailkatzen ditu gidak: liburu gomendagarriak, liburu oso gomendagarriak eta zerrenda berezia. Horretarako, hizkuntzaren erabilera, literatura-kalitatea edo gaien tratamendua aztertzen dira, besteak beste.

Mondragon Unibertsitatearen argitalpenetatik deskargatuenetako bat da gida. Erabilgarri dago, hortaz, tresna berria.

Deskargatu 2023ko gida (PDFa): https://ebiltegia.mondragon.edu/xmlui/handle/20.500.11984/6643