Naturan eta familian egiteko jarduera proposamenak: 5-Ibai bat esploratzea

Haurra osasuntsu hazi dadin, gutxienez hiru ordu eman behar ditu egunean aire zabalean jolasten. Hala dio Heike Freirek, aurten hamar urte bete dituen Berdean Hezi liburuan. Naturarekin interakzio zuzena duten haurrak erlaxatuago bizi direla eta adimen abstraktua, afektibitatea, gaitasun sozialak, autoestimua, sormena, enpatia… garatzeko lagungarri zaiela baieztatzen du.

Berdean hezi Liburua 2015. Urtean ekarri zuen euskarara Txatxilipurdi elkarteak Diego Martiartuk itzulita.  Liburuan,  heziketaz  eta honek naturarekin duen harremanaz idazten du Freirek. Guk, liburuaren 10. urteurrena baliatuta,    naturan gozatzeko 16 proposamen zehatz jaso ditugu, betikoak izan arren, ohiko izatea utzi diotelakoan.

Bestelako ideia eta proposamenak ere gustura jasoko genituzke. Seguru guraso, haur eta familia ezberdinen esperientzietatik ikas dezagula. Bidaliko diguzue zuen proposamena? Guk Igandetan naturan familian gozatzeko proposamen batzuk batuko ditugu.

5-Ibai bat esploratzea, igerian egitea, nabigatzea

Ibai ondoetako bideak ezinago ederragoak dira, bizitzaz beterik egoten dira beti. Ibai bat esplora dezakezu kanoaz, kayakez edo beste edozein ontzi erabiliz, baita puzgarri batez ere. Eta nahiago baduzu, ibaiertzean oinez jarraitu ahal diogu. Abenturan murgildu aurretik, ziurta ezazu zure seme-alabek badakitela igerian. Ur «potzuetan » hartutako bainuak igerilekuetakoak baino lasaigarriagoak eta suspergarriagoak dira.

Jolasparkeak.eus webgunean Euskal Herriko ibaietako txokoak biltzen gabiltza. Bainurako prestatuak edo bainurako egokiak diren txokoak, naturaz gozatu, ibaietako aberastasuna gozatzeko aukera eskaintzen dutenak. Ezagutzen duzu txoko, ibai ertz egokiren bat? Proposatu iezaguzu.

https://jolasparkeak.eus/urguneak/