Udan kenduko diogu pixoihala, garairik erosoena da! Txominek ere 3 urte ditu eta komunean egiten du txiza! Ez edan urik gauean bestela pixa egingo duzu ohean eta! Jolastu eta jolastu zebilen eta txiza egiteaz ere ahaztu da!

Entzun izan ditugu eta agian  erabili izan ditugu horrelako esaldiak ere. Pixoihala kentzeko garaia oso modu ezberdinean bizi izan dugu familia bakoitzak.  Kontua zera da, esfinterraren kontrola ez dela ikas daitekeen zerbait, haurrak modu naturalean lortuko duen kontrola baizik, honegatik haurra bultzatzea edo presionatzea ez da egokia.

Haurrak berak esango digu noiz den momentu egokia pixoihala kentzeko. Hitz egiten ikasten duen moduan edo oinez ikasten duen moduan ikasiko du esfinterra kontrolatzen.

Mireia Centenok hezibideren bideo kanalean, azaltzen ditu prozesu honetarako gako batzuk.