Jolasa, jokoa, jostailuei  buruz hausnartzea gogoko dugu Guraso.eus egitasmoan. Honetarako bidelagun ezberdinak ditugu egitasmoan eta kolaboratzaile sarean. Horietako bat da Itsaso Pagoaga. Guraso.eus egitasmoan kolaboratzaile da azken urteetan eta Olgeta jolaserako zerbitzuan egin duen  ibilbideaz eta bidean ikasitakoez ere galdetu nahi izan diogu. Honetarako Olgeta egitasmoaren 5. urteurrena erabili dugu aitzakia moduan.

Noiz hasi ote zen dena?
Hasi zitekeen ernetzen adibidez… Arrasateko Okendoko ludotekan edota Viñaleseko Carlosek oparitutako, Juegos y juguetes tradicionales de Cuba irakurtzean. Has zitekeen Degurixako larreetan edota eskolako patioan. Kontua da, hasi baino ez dela egin bidaia zoragarri hau. Jolasa dut ipar eta zuek bidaide. Zer gehiago eska diezaioket bizitzari? Eska nakioke jolaserako denbora gehiago adibidez. Baina ez! Nahiago orain arte dudanarekin jarraitu. Hau da, zuekin! Bezero handi eta batez ere, zuekin, txikiekin. Zuek zarete, Olgetak olgetan jarraitzeko motorra. Mila mila esker denoi! Pasioz eta ekinez jarraituko dut.

Itsaso Pagoaga