Txikipediaren eta Eñaut Irribarrez ilustratzaile eta komikigilearen artean egin duten proiektu bat da Ikasi Otsorekin. Bertan, Otso izeneko pertsonaiak hainbat gairen inguruan hitz egiten digu, agian zailak diren gaiak errazago egiteko asmoz.

Eñaut Aiartzaguenarekin hitz egin genuen egitasmoa ezagutzeko 2021 amaeran eta dagoeneko argitaratu dituze komini batzuk.

Erleen desagerpena

Pirineotako azken glaziarrak

Klima aldaketaren ondorioz, glaziarrak urtzen ari dira ia mundu osoan zehar. Pirinioetan, behinola, glaziar asko zeuden, baina horietako asko desagertzen ari dira.

Euskal Dantzak eta genero bereizketa

Lehen, mutilek zuten paper nagusia dantzan. Hala ere, emakumezko gutxi batzuk ere aritzen ziren. Gaur egun, berriz, bi sexuek hartzen dute parte maila berean.

Normalean herri bakoitzeko dantzak bertako herritarrek dantzatzen dituzte, erromerietan edo plazetako dantzetan. Beste batzuetan, ez da nahiko jende izaten dantzatzeko eta herri handi eta hiriburuetako taldeek eusten diete herri horretako tradizioari, ez galtzeko.

Zergaitik ez da pluton planeta bat?

2006. urtera arte, Eguzki-sistemako bederatzigarren planetatzat hartu zen. Aurreko urteetan, astronomoek gero eta gorputz astronomiko txikiagoak aurkitu zituzten Eguzki-sisteman; eta, hain txikiak zirenez, ezin zieten planeta deitu. Horregatik, Pluton bera ere planeta izateko txikiegia zela erabaki zuten, eta planeta nanoen artean sartu zuten. Egiazko planeta izan balitz, bere orbitan aurkitzen dituen beste gorputz astronomiko batzuk irentsi edo erakarri egingo zituen.

Zein bidaia egiten du produktu batek gure etxeraino?

Merkataritza era guztietako ondasunak, produktuak eta zerbitzuak trukatzeko salerosteko jarduera da. Ondasunak eta produktuak pertsonek lantzen edo fabrikatzen dituzten objektuak dira, adibidez, elikagaiak, arropa, ordenagailuak, etab.; zerbitzuak, berriz, materialak ez diren gauzak dira, adibidez, ilea moztea, garraioak, energia ematea, osasun-arreta, etab.