Andoain eta Leitza lotzen ditu Plazaolako bide berdeak. Plazaolako trenbide zaharraren trazatua baliatuta eginda dago eta Leitzarango bailaran barrena doa.

Hasiera-Amaiera: Andoain-Leitza.
Distantzia: 25 km. (oinez 5-6 ordu eta bizikletan 2-2,30 ordu).
Desnibela: 442 m. aldapa gutxi, ia laua da).
Bestelakoak: 34 tunel daude. Guztiek ez dute argirik. Linterna eta txirrina eramatea gomendatzen da.

Andoaindik abiatuta, hasieran asfaltozko bidea dago eta atseden lekuak ere ez dira falta. Aurrera egin ahala asfaltoa desagertu egiten da eta kilometroak markatuta daude. Informazio panelak ere badaude.

Gomendatzen da ura eramatea. Bi iturri daude, baina distantzia handira.

Plazaola-Leitzaran bide berdea Leitzaran bailarako zatian Leitzan amaitzen da. Dena den, aurrera egiten du beste 25 kilometrotan Larraun bailaran barrena, Huitzi, Lekunberri eta Latasa herri nafarrak zeharkatuz.

Bide berdearen webgunea hemen.