Haurrentzako ipuin eta Familia Konstelazioei buruzko helduentzako gida da “No entiendo a mamá” liburua. Quiel Ramosen ilustrazio eder batzuekin eta Sara Inés Vitoria Zabaletaren testu oso zainduekin, Leoparditaren historian zehar maila ezberdinetan konekta dezakegu. Emozionalki gure zein gure familiaren historiarekin konekta dezakegu eta hezkuntza-mailan gure seme-alabekin bat egiteko aukera ere ematen du. 

Ipuinaren ondoren, oso gida labur eta osatua dator. Bertan, Konstelazio Famliarrak zer diren, haurdunaldiaren eta jaiotzaren garrantzia, trauma, belaunaldiz belaunaldiko maila eta ematea eta jasotzea bezalako lege sistemikoak aipatzen dira. Adibideak eta kasu klinikoak ere aipatzen dira liburu honetan.

Sara Vitoria, bikoteko eta familiako psikologoa eta terapeuta

Zeri buruz hitz egiten du ‘No entiendo a mamá’ liburuak?

Konstelazio familiarren inguruko idatzia da. Lehen zatia ilustrazioekin jantzitako ipuinaren atala da, eta bigarren zatia, alderdi teoriko-pedagogikoa da. Izatez liburua gurasoei zuzenduta dago, hala ere, edozeinek irakurtzeko liburua izan daiteke.

Zer da Konstelazio Familiarra?

Konstelazio Familiarrak bere jatorria historia familiarrean jatorria duten gatazka pertsonal eta familiarrak sanatzeko Bert Hellinegerrek garatu duen metodo terapeutikoa da. Edozein familiatan gertatzen diren desorekak orekatzeko metodo bat izango litzateke. Bai bakarka edo talde lanean izan daiteke. Niretzako talde lana aberatsagoa da, jende askok gehiago parte hartu dezakeelako eta arazoaren oinarriak argiago ikusten direlako. Bergelnilek zioen moduan, metodo esperientziala da; teoria eraikita dago, baina parte hartu behar da ulertu ahal izateko. 

Zein esanahi dauka liburu honek zuretzako?

Altxor bat da, pertsonalki niretzako opari bat izan da. Maitasun guztia jarri dut liburu honetan, eta uste dut irakurtzen duen edozein identifikatuta sentitu daiteke istorioarekin. Liburuan trauma, jaiotza inguruan hitz egiten da, eta norberaren burua ikusteko aukera ematen du. Jendeari burua mugiarazten duen liburua da. Eta behin nondik gatozen ikusi eta kokatutakoan, beste modu baten ikusteko aukera ematen du. Gure seme alabengan jartzen ditugun samak identifikatuko ditugu. Eta sama horiek guk hartzen baditugu gure seme alabak askeago egongo dira. 

Modu askotan irakur daiteke liburua, batzuk teoriaren aldetik hasi dira, beste batzuk ipuin aldetik. Nik gomendatzen dut gurasoek lehenengo irakurtzea, eta gero, nahi izanez gero, umeei ipuinaren zatia ematea. Gurasoek ipuinaren irudiak ere erabil ditzake norberaren familiaren istorioa umeei kontatzeko.

Zergatik ‘No entiendo a mamá’ izenburua?

Bezero batek erabili zuen esaldi batek azaltzen du izenburuaren zentzua. Berak zihoen ‘No entiendo a mamá, me ha ayudado a entender mejor a mamá’. Izan ere, istorioan amak hainbat gauza azaltzen dizkio umeari, eta beranduago umeak amak esaten dituen gauzak ulertzen joango da. Hortik dator liburuaren izenburu zein esentzia.

Zeintzuk dira hurrengo pausoak?

Liburua hizkuntza ezberdinetara itzultzeko asmoa daukat; euskara, katalana, ingelesa eta galegora. Izan ere, nire altxortxoa den eñean, ahalik eta gehiago zabaltzea nahi dut. Hala ere, gaztelaniazko lehen bertsio hau nahi duzuenok Arrasateko hainbat dendetan dago salgai. Nirekin kontaktuan jarriz gero ere, ale batzuk baditut: noentiendoamama@gmail.com . Bestalde, Arrasaten hitzaldiak ematen ditut konstelazio familiarraren inguruan, hilean behin. Norbaitek gaia sakondu nahi baldin badu, bertan ikusi gaitezke.