Herriko plaza askotan suak piztuko dira gaur, formatu eta modu ezberdinetan Sua jaiaren protagonista izango da. Eta haur eta helduak berari begira egongo gara, duen botere hipnotikoaren menpe. Suak erakartzen gaitu, bai gu baita gure inguruko haurrak ere eta orduan hasten gara guraso hezitzaile moduan urduritzen. Sua eta honekin dugun harremanaz hausnartzeko aukera eskaini digute Jugar y jugar egitasmokoek eta guk hona ekarri nahi izan dugu.

Ikas dezagun haurrekin batera konfiantzatik suarekin harremantzen, adi, zaintzaile eta gure rola zein den argi izanik.

Beldurra ematen digu hurbiltzeak, ukitzeak, elikatzeak:

“Erre egingo zara!”
“kontuz!”
“Ez hurbildu!”
“Ez!”


Baina ezetz esan arren, suak erakartzen ditu ezinbestean. Gizakiok suak liluratzen gaitu. Agian genetik genera salto egiten duen sen basatia da gure baitan, edo hain elementu berezia denez, txikitatik ulertu behar dugu.

Bestalde, San Joan egunean, edo herriko  jaietan,  haur askok petardoak botatzen dituzte   aurrez pospolo bat piztu baino lehen, jakin gabe  sua zein materialek zabaltzen duten eta zein diren suaren aurkakoak.


Zergatik utzi behar diegu suarekin jolasten?


Izan ere, suaren portaera ezagutzeak istripu posibleetatik babesten ditu haurrak, sua haien garapenaren eta  giza izaeraren parte da, eta  ezpatak, panpinak edo txabolak bezala manipulatzen eta esploratzen haurrek  dute sua ere. Garrantzitsua da lilura hori artatzea, eta bakoitzaren adinera egokitzeko ardura izatea, bizitzarekiko eta haren elementu guztiekiko (sua barne) duten kezka ase ahal izan dezaten.


Nondik hasi?



Beste arrisku-joko batzuekin egiten dugun bezala, suarekin ere konfiantza eman dezakegu, haien trebetasunen eta heldutasun-prozesuaren arabera. Berriz ere, konfiantza da guztiaren oinarria.


Ondorioa


Urte amaiera abenduan da, baina ikasturtea ekainaren amaieran, San Juan suak, amaiera oso argia ezartzen  die: ikasturtea amaitzen da, eta haien bizitzak erabateko bira ematen du, errutinatik ihes eginez, jolasteko eta egoteko denbora dagoen  garaiari lekua  emateko.

Kultura askotan haurrei sutara hurbiltzeko aukera ematen zaie, sua protagonista den jai herrikoietan aktiboki parte hartuz, Kataluniako San Joan jaietan, esaterako. Elementu liluragarri bezain arriskutsu honekin harreman polita eta osasuntsua sortzen saiatzen dira.

Uda on!