Zineuskadiren Zinema Euskaraz programaren baitan Superheroien familia estreinatuko da gaur, ekainak 16, Euskal Herriko zinema-aretoetan. Ekimen horren baitan, aurten, estreinatuko den seigarren filma da.

Sinopsia

Hedvigek 11 urte ditu eta aitaren superheroi-mozorroa txikitu egin du, horregatik, aita ezingo da gehiago Super lehoi izan. Baina bere bizitzak sekulako aldaketa jasango du, aita ordezkatuz, hiriko superheroi bihurtzeko aukeratzen duenean.

Horretarako, ordea, arazo bakarra dago: baldarra eta nagia da, ez dago oso sasoian eta superheroi izateko baino interes handiagoa du bideo-jokoetan jolasetan ibiltzeko. Aitak, hurrengo superheroi bihurtu dadin, bere lehengusu Adrian aukeratuko du. Orduan, Hedvigek zerbait egiteko ordua dela ikusiko du. Aurkituko ote ditu bere superbotereak?

Trailerra