Bigarren konfinamendu bat izateko arriskua zegoenean eta eskola kirola bertan behera zegoenean etxetik tele eskola kirola gauzatzeko materiala sortu zuen Gipuzkoako foru aldundiak.

Tamalez sortutako material hori erabilgarri izan dakioke gaur etxean konfinatuta dagoen haurrari eta berarekin dagoen helduari.

Eskola Kirola Telematikoa garatzeko baliabideak aurkituko dituzu link honetan. Guk Leyre Canorekin, materiala sortzeko lan taldeko kide eta hezitzailearekin hitz egin dugu materialaren nondik norakoak eta  erabiltzeko gakoak eskatzeko.

Baliabide hauek bi oinarri dituzte:

Lehena, umeak eta bere premiak erdigunean ezartzea. Horregatik, emozioen lanketa egiteko oinarrizko proposamen batzuk aurkitu ditzakezue. Bide horretan laguntzeko asmoz, haur eta hezitzaileentzat baliagarriak izango diren bideoak daude.

Horiek guztiak, saio telematikoetan txertatu daitezke. Garrantzitsu iruditu zitzaion materiala sortzen ibili zen lan taldeari  kirolariak kirolaren gainetik ipintzea. Eta bereziki, haurrak  pairatu dezaketen egoera zail hauen  aurrean trebatu, baliabideak eskaini eta ahalduntzea.

Bigarren oinarria, eskola kirol saio telematikoak burutzeko adibide eta ideiak dira. Argi dago, etxean ezingo dugula kirol zelai batean egingo genukeen saio baten antzerakoa burutu, baina posible da, telematikoki ere mugitu eta jolastea, Beraz, ideala ez bada ere, haurren garapen mentala, emozionala, soziala eta motorra laguntzeko baliagarri izan daitezke.

Saio telematikoek hezitzaile eta entrenatzaileei zuzenduta egon arren gurasoentzako ere erabilgarriak dira. Ea laster, honelako materiala eguraldi txarra egiten duenena etxean gozatzeko aukera moduan bakarrik aurkezten dugun.



Iruzkin 1 "Tele eskola kirola"

  1. Avatar
    Itziar Matxain
    2021-12-17 Erantzun

    Lotsagarria. Egoera honetaz egiten duzuen erabilera lizunak, gainera laguntzen ariko bazinate bezala. Froga diagnostikoak ziklotan biderkatuz dituzte haurrak etxeratuta, bakuna esperimental bat sar diezaieten beldurraren beldurrez, eta tamalez halako proiektuekin guzti horri lagundu besterik ez diozue egiten. Haurrak kalean libre jolastu behar luke harremanak sendotuz. L√°stima enpati apurrik ez duzuen izotzezko bihotz bihurtu zaretela..


Zure iritzia partekatu nahi duzu?

Zure eposta ez da argitaratuko. Derrigorrezko eremuak * bidez markatuta daude.

Utzi erantzuna Itziar Matxain(r)i Cancel