Hizkuntza erraldoian erdian bizi da gurea, eta erraldoien artean, esparru anitzetan, txikitasunetik lekua egiten gabiltza aspaldian. Sareek eskaintzen digute honetarako aukera; Sare digitalak eta adituen sareak bat egiten dute guraso.eus egitasmoan eta Arrasatetik osatu dugun elkarlanak (Arrasateko Udala, Goiena Komunikazio taldea eta Txatxilipurdi elkartea) hauspotuta, gurasotasuna eta hazkuntza bezalako gai garrantzitsuen inguruan euskaraz hausnartzeko aukera eskaintzen digute.

Esku artean edo pantaila aurrean duzuna 2022. urtean guraso.eus eko kolaboratzaileek idatzitako artikuluak batzen dituen dokumentua da. Kolaboratzaile bakoitzak bere esparrutik; batzuk esperientzia pertsonalak oinarri hartuta, besteek ogibideak eskainitako eskarmentutik eta beste batzuk eraldatzeko griñetik idatziak. Askatasun osoa utzi diegu aurtengoan ere, eta antzemango duzuenez gai askotarikoak oso estilo ezberdinetako artikuluetan argitaratu ditugu.