Xomorroei beldurra?
Natura zale, mendizale gara , animaliak gustuko ditugu eta gure seme alabei ere zaletasun eta errespetuzko jarrera hauek transmititu nahi dizkiegu. Natur gune batera joan gaitezke edo mendi buelta bat egitera, eta bat-batean… haurrak zizare bat, momorro bat edo erle bat ikusi du eta garrasika hasi zaigu… beldur da.
Intsektuak izaki txikiak dira, baina beldur handiak ere sor ditzakete. Horregatik, haur askorentzat arbuiatzeko arrazoi dira. Beste batzuentzat aldiz, izaki ñimiño horiek behatzea eta esploratzea liluragarria izan daiteke.
Gehiago edo gutxiago gustatu, munduan milioika eta milioika intsektu bizi dira gurekin era askotara. Lur gainean, lur azpian, etxe barruan, lorategietan… Eta ez hori bakarrik, asko ezinbestekoak dira bizitza garatzeko eta ekosistema osasungarria izateko.
Ez al da garrantzitsua edo interesgarria, behintzat, xomorroak hobeto ezagutzea? Eta nola egin dezakegu hori errespetu edo beldurra dieten haurrekin?
kontua da ume batzuei beldurra ematen dietela zomorroek, eta batzuetan oztopo ere izan daitekeela hau naturaz gozatzeko.
Jakina, fobia zehatz edo sakonek bere prozesu propioa beharko dute, Kasu bakoitzak bere arreta eta begirada eskatuko ditu, eta litekeena da haur batentzat erabilgarria eta egokia dena beste kasu batzuetan ez izatea. Dena den, intxektuak hobeto ezagutzeko proposamen orokor batzuk egitera ausartuko gara.
Intsektuak ezagutzea lehen urrats bikaina izan diteke beldurra galtzeko; izan ere, askotan beldur hori ezjakintasunetik sortzen da. Denak ziztatu gaitzaketela edo min eman dezaketenaren ustetik.
Beste batzuetan, are gehiago, helduak izaten gara ornogabe horien aurrean modu negatiboan erreakzionatzen dugunak, umeei geure beldurrak helaraziz. Beraz, gaur zomorroen munduan murgildu zaitezten proposatzen dizugu, handiak eta txikiak, eta elkarrekin deskubritzen has zaitezte intsektuak zein harrigarriak eta baliagarriak izan daitezkeen.
Intsektuak urrunetik deskubritzea
Ornogabeak distantziatik ezagutzen eta ikertzen hastea haiengana hurbiltzeko modu bikaina izan daiteke. Liburuen bitartez, argazkiak aterata edo hauetaz hitz eginez.
Haurrentzako liburu ugari daude intsektuei buruzkoak. Eta baita liburu espezifiko asko ere tximeletei, inurriei edo erleei buruzkoak buruzkoak. Txikipedia ere erabilgarri izango zaigu gerturatze honetarako. Euskarazko liburu eta proiektu ezberdinak ere badaude. Gustora irakurriko genuke zuretzat erabilgarria de hori.
Intsektuetara mugatzen ez den arren Xapoketan proiektua baliagarria izan daiteke lehen hurbilketa baterako, ezagutzen duzue?
Esan bezala argazkiak ateratzea beste aukera bat izan daiteke. Gaur egun guztiok goaz edozein lekutara argazki kamara eder batekin, bai mendira bai eta kalera ere. Mugikorreko kamarak balio dezake baina espresuki joan gaitezke intsektuen argazki safaria egitera ere kargazki kamara batekin.
Haur gehienei argazkiak ateratzea gustatzen zaie, eta intsektuak distantzia jakin batekin behatzeko modu bat da. Gainera, abantaila bat eskaintzen du: asko hurbildu nahi ez badute, beti erabil dezakete zooma.
Bestalde, heldu edo guraso moduan iker eta ikasi dezakegu gero haurrekin hitz egiteko. Erleen polinizazioaz edo inurrien jerarkiaz edo bareen ernaltzeaz intsektuak urrunetik ezagutzeko beste baliabide bat izan daiteke.
Iruzkinik ez "Xomorroei beldurra?"