Txoriene saioko aurkezleak tailerra egin du Bergarako 6 eta 16 urte bitarteko neska-mutikoekin. Hainbat gomendio eman ditu gosari eta merienda osasuntsuak egiteko. Adierazi du komeni dela prestatuak datozen jakietatik irtetea, eta edari azukredunak zein opil industrialak saihestu egin beharko liratekeela gaineratu du. Betikoetara itzultzeko aldarria egin du: “Fruta pieza bat, jogurta edo betiko txorizo edo txokolate ogitartekoetara bueltatu beharko genuke”.

Gosaritara etxean ia azukrerik gabeko txokolate-esnea presta daitekeela dio, eta jaki gaziak gosaltzeko proposamena egin du. “Beti berdina jatea aspergarria da, eta aldatzen joan beharko genuke”.

Entzun aholku guztiak eta neska-mutikoen iritzia ondorengo bideoan.