Hasi dugu urte berria, iritsi zaigu 2021a, elurtuta txuri-txuri gainera. Atzean utzi dugu 2020. urte berezia, ikasteko, hausnarketarako eta pentsatzeko aukera eskaini diguna. Guraso.eus egitasmoan ere urte berezia izen dela esan dezakegu.

Atzera begiratzeko tarte hartu dugu eta egitasmoan urte ezberdin honetan gehien ikusi dena zer izan den aztertu dugu. Errezetak eta eskulanen baliabideak izan dira gehien erabili direnak, baita itxialdiko  egunetan argitaratu genituen baliabide zehatzak ere. Gogoratzen al duzue kilometro bateko perimetroa zein zen  irudikatzen zuen mapa? edo itxialdi garairako argitaratu genituen etxean egiteko proposamenak?

Itxialdian interneten erabilerak goia jo zuen, eta guraso.eus eko bisitak ere biderkatu egin ziren.

Azpian, kategoria eta baliabide zehatz hauetaz gain, gehien irakurri diren artikuluak bildu ditugu.

1-Jolas zakarra

Itziar Arregiren kolaborazio artikulua, jolasean aditua da Itziar eta kasu honetan jolas zakarraz hitz egin zuen guraso eta hezitzaileoi urduri jartzen gaituen jolas mota horretaz. berarekin hitz egiteko aukera ere izan genuen eta elkarrizketa entzungai jarri genuen.

2- idazketa eta irakurketa

Covid 19ak sortutako egoeran gurasoak haurren ikasketa prozesuko bidelagun nagusi bilakatu ginen egun batetik bestera. Nola izen bidelagun irakur eta idazte prozesuetan? Idoia Larrañagak prozesu honen inguruan idatzi zuen. Bizipen errealetan oinarrituz.

3- 70 ideia erraz umeekin etxean jolasteko

Esan dugu, itxialdian sareak eta proposamenak bor borka jarri genituen.

4-Ezinbestekoen liburu zerrenda 2020 (Juan Kruz Igerabide)

Haur eta gazte literaturan erreferente diren pertsonek aukeratutako zerrendak argitaratzen dituzte Galtzagorri elkartekoek urtero. 2020an Juan Kruz Igerabideren zerrenda argitaratu zuten eta guk guraso.eus era ekarri genuen.

5- Haurrak etxetik ateratzeko baimena lortzeko sinadura bilketa abiatu du Heike Freirek

Itxialdiko ekimenetako bat izan zen Heike Freirek martxan jarri zuena

6-  Haurrek ez dituzte etxeko lanak behar, lasaitasuna eta lotura emozionala baizik

Itxialdian bizi izan genituen egoerak gogoratzeko hausnarketa bat. Alvaro Bilbao, neuropsikologo eta haurraren burmuinean adituak idatzi eta euskaratu genuena.

7- Elkarrizketa Eider Lopetegirekin, Aspanif elkartea

Erbi ezpaindun edo ahosabai hautsia duten haurren familien elkartea da ASPANIF; batik bat, Euskal Herrian jarduten du. Guk elkarteko lehendakari den Eider Lopetegirekin hitz egin genuen elkartea eta gaitz honen nondik norakoak ezagutzeko.

8- #NikEtxeanEsperimentuak

Etxeko egonaldia arintzeko “eta modu dibertigarrian zientziaren inguruko kontzeptuak ikasteko”, apirileko egun bakoitzerako etxean egiteko moduko esperimentu bana proposatu zuen Elhuyarrek.

9-Koronabirus ez da printze bat (ezta printzesa bat ere)

Itxialdirako eta birusa haurrei azaltzeko baliabide honen berri eman genuen.

10-Francesco Tonucci: ez dezagun denbora eder hau galdu etxeko lanak egiten

Francesco Tonucci (Fano, 1940) aditua da haur eta hezkuntza kontuetan.  Erromako bere etxetik, non bost aste baitzeramatza giltzapetuta, italiar psikopedagogoak bideokonferentzia bidez erantzun zituen itxialdian koronabirusari aurre egiteko adingabeei eragiten dieten gaietako batzuen inguruko galderak