Haurra osasuntsu hazi dadin, gutxienez hiru ordu eman behar ditu egunean aire zabalean jolasten. Hala dio Heike Freirek, aurten hamar urte bete dituen Berdean Hezi liburuan. Naturarekin interakzio zuzena duten haurrak erlaxatuago bizi direla eta adimen abstraktua, afektibitatea, gaitasun sozialak, autoestimua, sormena, enpatia… garatzeko lagungarri zaiela baieztatzen du.

Berdean hezi Liburua 2015. Urtean ekarri zuen euskarara Txatxilipurdi elkarteak Diego Martiartuk itzulita.  Liburuan,  heziketaz  eta honek naturarekin duen harremanaz idazten du Freirek. Guk, liburuaren 10. urteurrena baliatuta,    naturan gozatzeko 16 proposamen zehatz jaso ditugu, betikoak izan arren, ohiko izatea utzi diotelakoan.

Bestelako ideia eta proposamenak ere gustura jasoko genituzke. Seguru guraso, haur eta familia ezberdinen esperientzietatik ikas dezagula. Bidaliko diguzue zuen proposamena? Guk Igandetan naturan familian gozatzeko proposamen batzuk batuko ditugu.

1-Txabolak eraikitzea


Mendialdean, aire zabalean, espazioaren mugagabetasunean, haurrek atsegin handia hartzen dute aterpetxoak eta txabolak eraikiz, izan zuhaitz gainetan, izan lurrean bertan. Leku goxo eta sekretu bat sortzeko bulkada horrek gure espeziearen biziraupenarekin loturiko behinolako premia eta gurari psikologiko batzuei erantzuten die. Normalean ezkutuan egiten dituzte, txikiak izaten dira eta nagusiontzako debekatuta egoten dira. Hala ere, eraikuntza-lanetan laguntza ematen ahal diegu, baldin eta hala eskatzen badigute. Haurrei lagunduz eta euren gidaritzapean jardungo dugu, benetako arkitektoak eurak izango dira eta. Naturan aurkitutako materialak ez ezik, hala nola adarrak, harriak, hostoak, anporrak eta makilak, birziklatzekoak ere ekar ditzakegu etxetik: izara zaharrak, kartoizko kaxak, sokak… Haurra zenbat eta zaharrago, eraikinak orduan eta konplexuago. Lana bukatu nahi ez badute, utzi dagoenetan, ez tematu. Halako jarduerak osatzeko, hor daude errekastoetan modu espontaneoan egitekoak direnak ere, non haurrek gogoko izaten baitute zubiak, errotak, presak eta abar eraikitzea.

Guraso.eus egitasmoko haurrak egiteko eskulan proposamenetan ere egin egin genion keinua betiko jarduera honi. Naturako elementuak erabilita betiko “txabola” bat egitea izan zen guraso.eus etik egin genuen proposamena.

Haurrekin egiteko proposamena: txabolak egitea!

Etxetxoak egiteko jarduera hau baina naturan egiteaz gain etxean ere garatzen da.

Txabolak edo etxetxoak eraikitzeko zaletasunaren atzean zer dago?