Familian egiteko planak biltzen saiatu izan gara azken urteetan guraso.eus egitasmoan, mota ezberdinetakoak bildu izan ditugu asko familian egiteko txangoak. Euskal Herriko txoko ezkutu eta ez orren ezkutuak aurketu izan ditugu. Ziur gaude zuek ere badituzuela  familian egiteko plan proposamenak, zuen etxe inguruko txoko berezi hori edo bikain atera zaizuen irteera hori. Gustora jasoko geituzke ideia eta proposamen berriak.

Gaurkoan Araba  aldera joango gara, aspalditik genuen txango hau ezagutzeko asmoa eta opor garaia baliatu dugu Berganzo herrira gerturatu eta Uraren bidea egiteko.

Uraren bidea Berganzon

Esan bezala, gaur proposatuko dugu familian egiteko txangoa Uraren bidea da, Uraren bidea eta 8 km inguruko ibilbide zirkularra da. Oso ondo seinaleztatua dago eta jarraitzeko oso erraza da, bidean zehar aurkitzen diren marra zuri eta urdinei esker.

Ibilbidea Arabako herri txiki honetara iritsi aurretik topatuko dugun aparkalekuan hasten da. Hemen autoa utzi eta Berganzoko erdigunera joango gara. 10 minutuko paseotxoa eta gero  ibaia  entzuten hasiko gara, eta, ia jarraian, putzuak, ur-jauziak aurkituko ditugu. Ibaiak eskaintzen dizkigun txokoak ikusgarriak dira, bero badago zaila egingo zaigu uretan ez sartzea. Inglareseko ur-jauzi ikusgarriraino heldu arte jarraitzen du bideak. Hau da txangoaren puntu nagusietakoa.

Bideak gora jarraitzen du ubide baten ondotik. Bide hau, 5 kilometro ingurukoa da, laua eta polita, baina, azkenean, monotonoa eta luzea egin daiteke haur txikiekin bazoaz. Honegatik bertan dagoen uraren jolasa egitea ideia polita izan daiteke. Familian egiteko erronkak aurkeztuko zaizkigu ubidera iritsi eta lasterrera.  Ea zenbat puntu lortzen dituzuen.

Autoa Aparkatzeko (garrantzitsua)

Gaur egun, Erreserba egin beha da Berganzon aparkatu ahal izateko. Eta, beraz, Berganzoko uraren ibilbidea egiteko asmoa duten pertsona guztiek erreserbatu eta ordaindu egin beharko dute ibilbideaz gozatu ahal izateko. hau izango da aurkitu duten moua jende pillaketa handiak ekiditzeko. Baina bai parkina ordaindu egin behar da…

Turismoak: 3 €asteburu eta jaiegunetan, 1,5 € lanegunetan.
Motoak: 1 €asteburu eta jaiegunetan, 0,5 € lanegunetan.
Karabana eta autokarabanak: 4 €asteburu eta jaiegunetan, 2 €lanegunetan.

Horretarako, beharrezkoa da PVerde plataforman erregistratzea eta, ondoren, erreserba egitea. Tramite astun eta motel samarra. Izan ere, urrats bakar batean egin beharrean (plataforma gehienek ohi bezala), 3 urratsetan egin behar dugu: erregistratu, interesatzen zaigun aparkalekua bilatu eta gure plaza erreserbatu.

Oso garrantzitsua da egiaztatzea behar bezala adierazi duzuela joango zareten ibilgailuaren matrikula; izan ere, hesiak automatikoki irakurtzen du matrikula, eta aurretik erregistratutako ibilgailuei bakarrik uzten die sartzen. Aparkalekuak 50 plaza ditu eta ordutegia 08: 00etatik 21: 00etara da. Gogoratu gaua igarotzea debekatuta dagoela eta prezioak aldatu egiten direla ibilgailu motaren eta asteko egunaren arabera


Iraupena: 3 ordu gutxi gorabehera. (haurren eta gure erritmoaren arabera guk  5 ordu egin genituen txangoan)
Luzera: 10 km.
Desnibela: 140m
Zailtasuna: Erraza familian egiteko modukoa.
Ibilbide mota: Zirkularra.
Erakargarriak: Natura. Uraren ondoko ibilbidea, ikuspegi bikainekin.
Kokapena: Berganzo, Zanbrana, Araban.