Errigoraren Sustraitik espaziora dokumentala Euskal Herriko hainbat herritan ari dira proiektatzen, Euskarari Puzka udazkeneko kanpainaren baitan. Ikus-entzunezkoak Nafarroa erdialdeko eta hegoaldeko lehen sektorea, auzolana eta euskararen aldeko lana ditu ardatz. Etxean kontsumitzen ditugun elikagaien jatorriaz, tokiko ekoizpenaz eta hizkuntzaren transmisioaz hitz egiteko abiapuntu ere izan daiteke dokumentalan.

Urriaren 24an estreinatu zen dokumentala, Lazkaon. Errigora proiektuaren ibilbidea eta eguneroko jarduna ditu ardatz, kontserba-etxeetako ekoizpenetik euskararen aldeko ekimenetaraino. Datozen emanaldien egutegia esteka honetan ikusi daiteke.

Errigora ekimena

Errigora Euskal Herria oinarri eta auzolana lanabes dituen ekimen herritarra da. Nafarroa erdialdeko eta hegoaldeko produktuak Euskal Herri osora zabaltzea du helburu, baita gune horietako euskararen aldeko ekimenak indartzea. 2013an egin zuten lehen aldiz Euskarari Puzka kanpaina, eta, ordutik, herritarren, nekazarien, ekoizleen, euskaltzaleen eta kontsumitzaileen arteko sarea osatu dute.

Udazkeneko eskaerak, azaroaren 12ra arte

Dokumentalaren aurkezpen birarekin batera, Errigorak martxan du udazkeneko Euskarari Puzka kanpaina. Nafarroako Erdialdeko eta Hegoaldeko produktuekin osatutako saskiak eska daitezke azaroaren 12ra arte. Erosketen balioaren %25 zonaldeko euskalgintzara bideratuko da.

Eskaerak egiteko eta kanpainari buruzko informazio gehiago jasotzeko, Errigoraren webgunea eskuragarri dago.