Aniztasunaren festa erraldoia zegoen iragarrita eta halaxe izan da apirilaren 26an eta 27an Hernanin egindako Bizipoza Jaian. Milaka herritar eta familiaren parte hartzearekin joan da eta aniztasuna eta bizipoza izan dira nagusi.

Eguraldi petralak ez du antolatzaileen lana zapuztu eta jendearen erantzuna bikaina zian da. Atsegindegi izan da festaren erdigunea, bertara mugitu baitituzte ekintza guztiak eguraldiaren eraginez. Eta lepo bete da plaza, goizetik iluntzera bitarte.

Bizipoza elkarteak protagonista

Bizipoza osatzen duten elkarteak izan dira protagonista, uneoro. Bakoitzak
jarri du bere postua, elkarteari buruzko informazioa emateko bertaratuei. Baina
postuetatik taula gainera ere eraman dute haien jarduna. Zapotxin, Porrotx eta
Marimotots pailazoen ikuskizunean, esaterako, elkarte bakoitzeko ordezkariak igo dira
taula gainera txandaka, eta azaldu dute zer den Bizipoza.

Magia, Herburu konpainiako erraldoiak eta buruhaundiak, Doberaren euskal tonbola, Go!azen-eko lagunak, Ttarlako dantzariak, Hernaniko Musika Eskolako trikiltilariak, Kanika Aisialdi Taldeko kideak, Aratz Ikastola, Hernaniko Gaztelekua, Itzal taldea… Denek jarri dute bere alerik goxoena. Eta goxoaz ari garela ezin ahaztu Pausoka Elkarteak antolatuta bazkariaren paella.

Eskertza ekitaldia

Eskertza ekitaldia izan zda Bizipoza Jaiaren une berezienetako bat. Emozioa ageri-agerian dela, urte osoan zehar egiten duten lan nekaezina eskertu diete Bizipoza osatzen duten elkarteei, babesleei eta boluntarioei.