Lata bakar batean dago hiru kaferen baliokidea.

Captura de pantalla 2014-12-18 a las 13.28.35

Emango zenioke kafea 13 urteko semeari? Eta edari energetiko bat? Ziurrenik guraso gehienek ezezko borobila erantzungo dute lehenengo galderan baina zalantzak izango dituzte bigarrenean. Datuak ere horrela erakusten du: 3-10 urte bitarteko Europako umeen %18 edari energetikoen kontsumitzailea da.

Kafeina dosi handietan

Zalantzan dauden gurasoek jakin behar dute edari energetikoak estimulatzaileak direla eta kafeina dosi handia dutela. OCU erakundeak egindako ikerketa baten arabera litroko 49-427 mg kafeina dute. “Lata bakar baten dago hiru kaferen baliokidea”, azaltzen du Sabadell ospitaleko sendagile Maria Luisa Iglesiasek.

Edari horietan, gainera, kafeinaz gain bestelako produktu estimulatzaileak daude, hala nola, taurina, guaraná, gingsenga, inositola… “Pentsatuta daude estimulazio garrantzitsua eragiteko” eta kafearekin alderatuta eragiten duen “tentsio igoera handiagoa eta iraupen luzeagokoa da”.

Arriskuak

Edari energetikoak modan daude eta neska-mutikoei, orokorrean, izugarri gustatzen zaizkie. Edukiontzien diseinuak ere oso erakargarriak zaizkie. Gurasoek jakin behar dute baina denborarekin edari horien kontsumoak mendekotasuna eragin dezakeela.

Nerabeen artean, bestalde, modan dago edari energetikoak alkoholarekin nahastea. Oso nahasketa arriskutsuak dira. Takikardiak, antsietatea eta loezina eragiten du.

Azterketa garaian, berriz, asko dira edari mota honen laguntza beharrezkoa ikusten dute ikasleak. Bizigarriak dira, bai baina Iglesias doktorearen esanetan %30 txikitzen da edukiak buruan gordetzeko ahalmena.

Albistearen eta argazkiaren iturria hemen.