Hainbat dira errekak auzolanean garbitzeko deialdia egiten duten herriak. Denona den ingurunea txukuntzeaz gain sentsibilizazio lan bikaina egin daiteke antzerako ekimenekin, eta ez bakarrik neska-mutikoen artean.

Asko eta askotarikoak dira erreka bazterretan aurkitzen diren hondakinak. Bilketa lana egin eta jasotako zikinkeria zenbaterainokoa den ikustea deigarria da benetan.

Bergaran eta Oñatin egin berria dituzte errekak auzolanean garbitzeko deialdiak. Erantzun ederra izan dute. Familia asko eta asko oso arduratuta daude ingurunearekiko dagoen jarrera axolagabearekin eta zerbait egin beharra dagoela uste dute.

Argazkietan: erreka garbiketa Bergaran eta Oñatin.