Buruntzaldeko Euskara Zerbitzuek, ÿdei Barroso eta Telmo Trenorren eskutik, 12 eta 16 urte bitarteko gazteentzako bi saioz osatutako Beat Eroak rap tailerra antolatu dute. Urnietan, Andoainen, Astigarragan, Hernanin, Usurbilen eta Lasarte-Orian izango dira saioak; bata otsailean eta bestea martxoan.

Lehenengo saioan, ÿdei Barroso rapero eta bertsolariarekin arituko dira gazteak, hitza lantzen. Bigarren saioan berriz, Telmo Treno DJ ariko da Barrosorekin batera, kanta sortu eta grabatuko dute. Herri bakoitzean abesti bat grabatzea da asmoa, gero, euskara.buruntzaldea.eus webgunean ikusgai jarri, eta, bozketa bidez, herrien arteko lehiaketa egiteko. Irabazleek, bideoklip bat grabatzeko aukera izango dute.

Guztira, herri bakoitzean, 30 gaztek hartu ahalko dute parte eta izen ematea, euskara.buruntzaldea.eus webgunean bertan egin daiteke, urtarrilaren 31ra bitartean. Gipuzkoako Foru Aldundiko Gazteria Sailaren eta Iametzaren eskutik, 2020an jarri zuten martxan egitasmoa, urte hartan, Legazpiko eta Urretxu-Zumarragako gaztelekuetan bi proiektu pilotu egin zituzten. Orain, Buruntzaldean egingo dute ekimena.

Herri bakoitzeko saioen datak ikusgai Aiurri.eus-en.