Duela gutxi sortu zen Kukubaso elkartea Bergaran, eta igandean egin zuten lehen auzolana. 90 lagun baino gehiago Bergaran oso esanguratsua den San Martzial ingurura joan ziren herrigunetik 10:00etan abiatuta.

Bertan, Erreka Batzordeko kideen azalpenak entzun ostean piramide handi bat egin zuten askotariko zuhaitz adarrekin. Sagu-zaharrentzako eta txorientzako habiak ere jarri zituzten. Azkenik, inguruko zuhaitzen gaineko xehetasunak ezagutzeko tartea hartu zuten. Haur zein helduek goiz ederra pasa zuten eta hurbileko ingurumenarekin gozatzeko aukera izan zuten.

Auzolana, Erreka Batzordea eta Herri Hezitzailea eragileekin batera antolatutako ekimena izan zen.