Guraso euskaldunek, sarritan, ez dute behar adina baliabide seme-alabekin kalean euskaraz jolas egiteko eta gabezi horri aurre egiteko sortu zuen Donostiako Udalaren Euskara Zerbitzuak Parketarrak egitasmoa.

Maiatzaren 9an eman zioten hasiera ekimenari eta hilaren 27ra bitartean iraungo du. Hiriko hamazazpi auzotako hainbat parke eta plazetan euskaraz jolasean aritzeko aukera eskainiko dute, doan.

Urtxintxa eskolak aurrera eramango duen egitasmo hau bi programatan banatuta dago: bata, Zabu-zibu 3-5 urte bitarteko haurrentzat eta beraien familientzat antolaturikoa, eta, bestea, Txirrintxon, 6-9 urte bitarteko umeentzat.

Haurrak euskaldundu eta euskara erabili dezaten ikastetxean egiten den lana osatzera dator Parketarrak.

Martxoko saioen balorazio positiboa

Aurrez, martxoan ere antolatu zituzten horrelako saioak eta “harrera ona” izan zutela adierazi dute antolatzaileek. Datu batzuk ere eman dituzte: 627 haurrek eta 185 gurasok hartu zuten parte.

Maiatzean, hamazazpi auzotan

Esan moduan, Donostiako hamazazpi auzotan eramango da aurrera oraingoan ekimena eta hemen ikus daiteke egitarau osoa.