Denok dauzkagu etxean nahi ez ditugun, gustatzen ez zaizkigun, zaharrak dauden, edo sobra dauzkagun maskarak. Ba, eman erabilpen berriak. Eta zelan? Ikusi ondoren ze eskulan proposatzen digun Antzuolako Xinkona dendako Alaitz Jauregik.

Materiala

  • Maskarak.
  • Jostorratza.
  • Haria.
  • Guraizeak.

Nola egin

1. Sartu haria. Sartu haria jostorratzean. Konfiantza izan dezagun txikiengan, eta gu ondoan egonda laga lor dezaten, gai dira eta.

2. Josi alde bat. Tolestu maskara erditik eta bi oihal zatiak parean ditugula josi alde bat alderik alde.

3. Josi beste aldea. Beste aldea josi behar da orain. Aurreko pausoan egindako gauza bera egingo dugu.

4. Txukundu. Txukundu egindako lana. Ondo moztu luze gelditu diren hari zatiak eta beste. Eta listo! Diru-zorroa, bitxiak gordetzeko poltsatxoa, maskara eramatekoa… Badaukagu guk geuk egindako poltsa polit askoa!

Iturria: Puntua aldizkaria