MUNDU BERRI BAT GUZTIONTZAT kantu eta bideoklipak, batzen dituen egitasmoa aurkeztu zuen Bizipoza elkarteak pasa den larunbatean,  BIZIPOZA elkartea osatzen duten 11 elkarteentzako ekoiztutako lana da, 34 euskal sortzaileekin elkarlanean egina. Bertan 12 abestiz eta 11 bideoklipez osatutako CDa eta DVDa aurkituko dituzue.

Honetaz gain, liburuxka formatuan eta elkarteen ilustrazio banarekin, bakoitzaren deskribapena, ipuintxoa eta abestiaren letra topatu daitezke ekoizpenean. 

Leire Elizegi Bizipoza elkarteko koordinatzailearekin hitz egin dugu  egitasmoaren berri izateko.

Elkarteen eta euskal kultur sortzaileen arteko elkarlana da elkarteen kantu eta bideoklipen proiektuaren oinarri nagusia. 11 elkartek egunerokoan lantzen dituzten gaiak eta haien errealitateari buruzko abestiak eta bideoklipak dira, elkarte bakoitzaren mezua musika, hitza eta irudiaren bidez gizarteratzeko helburu dutenak. Aukera polita elkarte eta hauen hatzean dauden familien errealitate, amets eta beharrak ezagutzeko.

Hemen duzue “Bizipoza auzolan”, MUNDU BERRI BAT GUZTIONTZAT CD-DVDaren argitaratu zuten lehenengo kantu eta bideoklipa. Egitasmoa aurkezteko balio izan zuen bideoak, Leirek nabarmendu zigunez, proiektuan elkarlanean aritu diren elkarteak eta sortzaileak batu dituzte bertan.