Haurra osasuntsu hazi dadin, gutxienez hiru ordu eman behar ditu egunean aire zabalean jolasten. Hala dio Heike Freirek, aurten hamar urte bete dituen Berdean Hezi liburuan. Naturarekin interakzio zuzena duten haurrak erlaxatuago bizi direla eta adimen abstraktua, afektibitatea, gaitasun sozialak, autoestimua, sormena, enpatia… garatzeko lagungarri zaiela baieztatzen du.

Berdean hezi Liburua 2015. Urtean ekarri zuen euskarara Txatxilipurdi elkarteak Diego Martiartuk itzulita.  Liburuan,  heziketaz  eta honek naturarekin duen harremanaz idazten du Freirek. Guk, liburuaren 10. urteurrena baliatuta,    naturan gozatzeko 16 proposamen zehatz jaso ditugu, betikoak izan arren, ohiko izatea utzi diotelakoan.

Bestelako ideia eta proposamenak ere gustura jasoko genituzke. Seguru guraso, haur eta familia ezberdinen esperientzietatik ikas dezagula. Bidaliko diguzue zuen proposamena? Guk Igandetan naturan familian gozatzeko proposamen batzuk batuko ditugu.

3-Intsektu eta animalia txikiak behatzea


Etxetik gertuko parke edo landa-inguru batean, jar ezazue ohol lau bat lurrean, eta itzul zaitezte bertara egun pare baten buruan. Ohola aterpe gisa erabiltzen dituzten animaliatxoak ikusiko dituzue, eta zer berri dagoen ikusteko ohola erregulartasunez bisitatzen baduzue, fauna txiki horri buruzko oharrak idatziz jaso eta jarraipena egin ahal izango diozue.
Eroritako arbolek eta adarrek animalia ugari aterpetzen dituzte: ehunzangoak, harrak, kakalardoak… gaztetxoen gozagarri. Erakutsi haurrei animaliatxoak errespetuz tratatzen, eta behatzen dituzuenean, saia zaitezte habitata ondo zaintzen. Halaber, zuhaitz baten enborrean melaza pixka bat jartzen baduzue, inurriak eta orotariko zomorro gozozaleak inguratzen ikusiko dituzue.

Urtaro bakoitzak naturaz gozatzeko aukera ezberdinak eskaintzen dizkigu, uda  amaieran idatzi zuen Naiara Corcuerak bere lehen kolaborazioa eta familian naturaz gozatzeko proposamena luzatu zigun.

Basabizitzaren bila

Iñaki Larrea kolaboratzaileak ere naturaz gozatzeko proposamena luzatu zuen bere kolaborazioan , taldean naturaz gozatzeko proposamena

...belarretan, lokatzetan, putzuetan, harriekin, hondarrarekin, makilekin, intxaurrekin… ibil gaitezen gelakideekin, bizilagunekin, auzokideekin, senideekin, bestelako lagunekin edo bidean topo egiten dugunekin batera. Horrela lortuko dugu esperientzia aberatsagoa izatea eta horri esker ongizatean, sormenean, harremanean edo jolasaren kalitatean are gehiago eragitea.

Iñaki Larrea: Natura gune are pribilegiatuagoa bihurtzen da lagunduta gozatzen dugunean