Aspalditik da guraso.eus egitasmoko kolaboratzailea Nerea Mendizabal, Harremanak eta pertsonen  arteko komunikazioa landu ditu azken urteetan bere hitzaldi, tailer, edo bide-laguntza ezberdinetan eta Komunikazio EzBortitza izan du lanabes nagusietakoa.

Txatxilipurdi elkarteko bulegoan, pasa den astean grabatutako elkarrizketa bat aurkeztu nahi dizuegu gaurkoan; bertan Komunikazio EzBortitzak gurasotasunean izan dezakeen balioaz hitz egin genuen Nerearekin.

Bizitzako arrakasta pertsonalerako oinarriak haurtzarotik jasoko dugun hezkuntza batean amesten dihardut. Nire bizitza pertsonalerako eta profesionalerako sendotasun gehiago eskainiko dizkidaten lanabesen bilaketan, Marshall Rosenberg-en Komunikazio Ez Bortitza (KEB) topatu nuen nire harremanak ahalik eta gehien elikatzeko, neure buruarekin dudan harremana barne. KEBren helburua da kalitate handiko konexioa sortzea, horren bitartez, batak bestearen egoera ezagututa bi alderdientzako irtenbide onuragarriak izango diren emaitzak lortuz, denok irabaziz edo aberastuz.

Nerea Mendizabal

Nerea Mendizabale gai oso ezberdinak landu izan ditu guraso.eus eko bere kolaboraziotan, harraen beldurrak, gurasoen beharrak, muga jartzearen erronka…

1.Beldurrak Haurtzaroan:  “haurtzarotik sinestarazi diguten mezua zabaltzen diegu gure seme/alabei; beldurra ez dela ona, eta era berean, beldur eza eta ausardia onak direla. Eta hau, premisa faltsu bat da, biak bateragarriak baitira.”

https://guraso.eus/nerea-mendizabal-beldurrak-haurtzaroan/

2-Eskatu barkamena eta eman musu bat: barkamena eskatzea pertsona hobea izatearen adierazgarri izateaz gain berriro ez gertatzeko “gaizki” egin dugun hori onartzea ezinbestekoa dela pentsatzen dugu. Era berean, iruditzen zaigu guraso hobeak garela gure seme-alabei barkamena eskatzen erakusten badiegu eta hortik gure seme-alabek “oker, desegoki edo kaltegarri” egin duten horretan itsutu egiten gara barkamena eskatzearekin, modu horretara besteari egindako kalteaz ohartuko direlakoan, eta kalte horren ordaina (zati bat, bederen) ematen dugulakoan.

https://guraso.eus/eskatu-barkamena-eta-eman-musu-bat/

 

3-Ez dut garrasi egin nahi!!: Guraso bezala sarritan garrasi egiten dugu, gure egunerokotasunean haurrekin hainbat eta hainbat egoera bizitzen baititugu amorru, desesperazio eta inpotentziara esnatzen gaituztenak.
Baina zer ikasi dugu gure historian amorruaz? Haserretzea ez dagoela ondo, haserretzen bazara bestearengandik datorkizun onarpenena, begirada, maitasun edo aprobazioan ondorioak izango dituela, haserretzea gaizki dagoela, hobeto dela ez haserretzea…

https://guraso.eus/ez-dut-garrasi-egin-nahi/

 

4- Haurraren autoestimua: Helburua ez da ez epaitzea, ez kritikatzea ezta modu baikor edo ezkorrean indartzea ere. Agertzen dituen jokaera eta jarrera horien atzean dagoen gizakia ezagutu eta ulertzean datza gakoa. Honekin eskaini eta lagundu baitiezaiokegu gertatzen zaion horretan, behar duen horretan; beharrezko ekarpena eginaz hezten eta garatzen joan dadin bere jokaeretan ere.

https://guraso.eus/haurraren-autoestimua/

5- Guraso seme alaben elkar ulertzea: Exijentziatik bat egitera.

Exijentziatik eskatzen ari garenean, haurra matxinatzea eta oposizioan egotera gonbidatzen dugu. Modu honetan guda aurreikusia dago. Helduak, exijentzi horren atzean dagoen beharrak deskubrituz eta haurraren jarrerarekin bat eginez benetako komunikaziorantz bidea egin genezake.  Eta hau izan daiteke, bion interesak  kontutan hartuko duen irtenbide bat topatzeko modurik eraginkorrena. Nola bat egin haurrarekin, nik nahi dudana egiten ez duenean?

https://guraso.eus/guraso-seme-alaben-elkar-ulertzea-exijentziatik-bat-egitera/

6- Haurren bizi proiektu propioan bidelagun: Helduak jakituria, kontzientzia, arrazonamendua eta esperientzia dugunak garela pentsatzen badugu, tentazio handia izan dezakegu haurrari nola jokatu behar duen, ondo eta gaizki zer dagoen, erakutsi nahi izateko. Baina, bai haurrak eta bai gu, pertsona izaten eta bizitzen ikasteko ibilbidean murgilduta gaude bizirik irauten dugun bitartean. Paradigma honetan, haurrak bere burua gizaki bezala deskubritzeko prozesuan, gu, bidelagun izan gaitezke.

https://guraso.eus/haurren-bizi-proiektu-propioan-bidelagun/

7- Mugak ezartzearen artea: Zergatik jarri nahi dugu muga hori eta gure seme-alabek bete ditzaten? Muga hori guk behar dugu, gure beharrak zaintzeko oso modu garbia delako (segurtasuna, lasaitasuna, begirunea, zaintza…), baina ez gure seme-alabek muga hori behar dutelako. Berak, bere aukeraketak egitea behar du, ulertua izatea, auto afirmatzea, taldeko kide izatea, esploratzea, dibertitzea …, baina agian ez hamarretako etxean egotea, berokia jartzea edo igo den zuhaitzetik jaistea.

https://guraso.eus/mugak-ezartzearen-artea/

7- Guraso bezala nola erabili gure autoritatea: Autoritatearen esanahira joan eta mendekoak diren pertsonei aginduak emateko  edo gobernatzeko eskubidea dela aurkitzen dut. Orain, autoritate izatea guraso izatearekin batera datorkigu edo eman egiten zaigu? Ni autoritate naizela sentitu nezake baina nire seme edo alabak horrela ez ikusi. Helduok ere baditugu inguruan autoritate sentitzen diren pertsonak (politiko, enpresari, mediku, polizi …) baina denei ez diegu begirune berbera eskaintzen. Zein ezaugarri betetzen ditu erreferentetzat hartzen ditudan pertsonak?

https://guraso.eus/guraso-bezala-nola-erabili-gure-autoritatea/

8- Guraso eta familien ikasgaia: Guraso askok partekatzen didate honako adierazpena: ikaragarri baliagarriak dira Komunikazio Ez Bortitzaren tresnak baina nik hainbat momentutan ez dut pazientziarik izan hauek erabiltzeko. Bizi dugun garai honetan ere, guraso dezentek esan didate: “ni gaizki egon naiz, gaindituta sentitu naiz, eta automatikoki nahi ez ditudan jarrerak atera zaizkit. Ondoren, ez naiz ongi sentitzen”.

https://guraso.eus/guraso-eta-familien-ikasgaia/

9- Errespetuari begira: Gurasook bizi izan dugunarekin, dakigunarekin eta aurkezten zaigunarekin ahal duguna egiten ari gara. Momenturen batean edo nahi baino gehiagotan, damutzen naizen moduren baten aritzen bagara, ez da erruduntzeko momentua. Seme alabak ez dituzte guraso perfektuak eta dena ondo egiten dutenak nahi.

Gure trakeskeria, limitazio eta ezintasunen aurrean umiltasunetik onartu, goxo tratatu eta hortik bideratzen joaten bagara, lehendabiziko onuradunak gu geu izateaz gain inspirazio iturri izan gaitezke.

https://guraso.eus/errespetuari-begira/

*Sarrerako argazkia Nerea Mendizabalen webgunetik ekarri dugu