Behin baino gehiagotan aipatu izan  dugu naturako elementuekin jolasteak dituen onurak, naturarekin harremanak haurrengan eta oroar pertsonengan duen onura.  Haurrek naturako materialekin jolastu ahal izatea naturarekin konektatzeko modu bat  ere bada, beren bulkada natural indartsuenetako baten bidez, jolasaren bidez, alegia.

Jolasa, bere baitan ere goraipatu izan da guraso.eus egitasmoan, kolaboratzaile adituak ditugu gaia jorratzeko.

Irakurri Itziar Arregi edo Txusma Azkonaren artikuluak

Helduentzat, dibertitzeko dena, ondo pasatzeko, garrantzia gabekoa den hori, oso garrantzitsua  eta “serioa” da haurtzaroan. Ez da entretenimendu bat, mundua ezagutzeko modu bat baizik, munduari buruz ikasteko modu bat.

Jolasa zergaitik eta zertarako Itziar Arregirekin izandako elkarrizketan eta bere artikuluan landu genuen gaia hau.

Haurrek, jolasaren bidez, inguratzen dituenaren eta bertako  materialen arteko erlazioak deskubritzen dituzte. Plazeretik, ondo pasatzeko egiten dute, noski. Haurrek jolasten gozatzen dute, baina, aldi berean, ikasi eta deskubritu egiten dute.

Naturako materialekin jolasten uztea, hura deskubri dezaten eta haren parte senti daitezen ahalbidetzea da. Naturako parte sentitzea, natura garela ohartzea  haurrek ingurumena eta ingurua  zaindu dezaten giltzarrietako bat izango da.

Heike Freirek nabarmendu zuen hau idatzi honetan

Naturako elementuekin jolastean, haurrek pisu eta dentsitateei buruz esperimentatu dezakete. Zer gertatuko  da harri bat uretara botatzen badut? Eta makila bat bada?

Haurrek koloreei buruz ikas dezakete loreei esker. Landareen, zuhaitzen …hazkundeari buruz.

Txatxilipurdi elkarteak aurten ere antolatu du Naturan jolasean egitasmoa ideia hau oinarri hartuta.

Material naturalak manipulatzeak eta horiekin jolasteak hainbat ikaskuntza ematen ditu, hori argi dago. Biana, nola ahalbidetu naturarekin jolastea honekiko errespetuzko harremana zainduz. Nola zaindu naturaren oreka, nola izan oreka horren partaide?  Hona hemen guraso askoren kezka.

Tierra en las manos blogean ere gaia landu dute, guk  bertako  ideietatik tira eginda guraso.eus egitasmoan argitaratutako proposamen eta ideia  ezberdinak ekarriko ditugu.

Hostoak eta loreak

Hostoak eta loreak erabiltzeko proposamen ezberdinak egin ditugu gure eskulan proposamenetan; edariak sortzeko, mandalak egiteko, margotzeko…

Zuhaitz magikoak sortu

Udazkeneko hostoak margotzen

Eskulanak udazkenean naturak emandakoarekin

Arkua eta geziak egin

Hondartzako makilekin sortu II

Udazkeneko koloreekin mandalak egin

Hostoekin jolastu eta sortu

Txalupatxoa egin eta errekan behera bota

Naturako elementu hauek eskuratzerako orduan irizpide batzuk izatea  garrantzitsua izan daiteke. Posible bada lurrean dauden hosto arrama edo elementuak erabiltzea, bizirik ez daudenak. Lorearen bat moztu behar badugu, hau guraizeekin egitea proposatu dezakegu, landare guztia atera gabe. Guraizerik ezean, landare osoa ez ateratzeko kontu izatea ere  aukera izan daiteke.

Haurrek landareari baimena eska diezaiokete landarearen zati txiki bat hartzeko ere. Kontzientzia izateko modu bat da, izaki bizidunak erabiltzen ari garena eta kontuz hartu eta erabiltzen duguna.

Eta zer lore har dezakete, zein ez? Lorategian, adibidez, basatienak. Gutako gehienok “belar txarrak” esango genituzkeenak, nahiz eta txarrak ez diren edozein lekutan hazten direnak baizik.

Eta zergatik moztu ditzakete hauek eta ez beste batzuk? Arrazoi sinple batengatik, horiek oso erraz hazten baitira, zaindu ala ez, nahi ala ez. Guk landatutako landare usaintsuak erabiltzea ere polita izan daiteke. Edabe usaintsu magikoak egitea infusio bat hartzea bezain garrantzitsua dela kontutan izatea izango da kakoa.

Harriak

Harriak dira gure eskulan proposamenetan erabili izan ditugun beste elementu garrantzitsu bat. Harri solteak erabiltzea izan daiteke irizpidea, azpian bizia dutela aurreikus dezakegun harriak bertan uztea lehenetsi dezakegu.

Errekatik gertu  edo Itsasertzean batutako harriak  erabiltzeko proposamenak  egin izan ditugu. Hauek, ez dute ez zizarerik ez intsekturik azpian, eta jolaserako erabiltzen ditugunean berriz ere naturara itzultzeko ardura ere sustatu dezakegu.

Baina zergatik harriak eskulan eta jolaserako ?

  • Naturak eskaintzen digun elementu bat da, kanpora irten eta natu-guneetan hondartza edo erreka ondoetan harri egokienak bilatzera bultzatzen gaituzte proposamenek..
  • Haur eta helduok, hasiera batean balorerik ez duten gauzak baloratzen ikasten dugu. Harriak doan dira eta guk balorea ematen diegu.
  • Haurrei (baita helduoi ere, froga ezazue!) harriak margotzea gustatzen zaie! Jarduera polita da elkarrekin egiteko! Agian guk proposatzen dugun eskulan edo jolasak egiteko marrazkiak helduok egin beharko ditugu, baina haurrak gurekin batera froga dezake, marraztu, formekin jolastu…

Harriakk erabiltzeko ere proposamen ezberdinak egin ditugu gure eskulan proposamenetan

Harriak eta sentimenduak

Harriak marraztu

Bikote jolasa harriekin!

Harrietan mandalak

Harriekin labirintoa

harriekin egindako dominoa.

harriekin irudiak

Eskulanak eta jostailuak kanpotik ekarritako harriekin